തക്കേ ഇന്ത്യയിലെ ഒരു മനുഷ്യനാണ് ഭാര്യയ്ക്ക് വേണ്ടി പ്രണയകുടീരം നിര്‍മ്മിച്ചത്. മരണം കവര്‍ന്നെടുത്ത ഭാര്യയുടെ പ്രണയത്തിന്റെ ഓര്‍മയ്ക്ക് വേണ്ടി ഇയാള്‍ പണിതുയര്‍ത്തിയത് ഒരു ക്ഷേത്രമാണ്. ക്ഷേത്രത്തിലെ വിഗ്രഹമാണെങ്കിലോ സ്വന്തം ഭാര്യയും. തെലങ്കാനയില്‍ വിരമിച്ച ഗവണ്‍മെന്റ് ജീവനക്കാരനായ ചന്ദ്ര ഗൗഡയാണ് ഭാര്യ മരിച്ചപ്പോള്‍ പ്രണയ കുടീരമായി ക്ഷേത്രം പണിതത്. 

ഇലക്ട്രിസിറ്റി ഓഫീസില്‍ ജീവനക്കാരനായിരുന്ന ചന്ദ്ര ഗൗഡയുടെ ഭാര്യ രാജാമണി രോഗം മൂലമാണ് മരിച്ചത്. തെലങ്കാനയിലെ സിദ്ദിപേറ്റ് ജില്ലയിലെ ഗോസാനിപളളിയിലാണ് അദ്ദേഹം അമ്പലം പണിതത്. ഗ്രാമങ്ങളില്‍ നിന്നൊക്കെ നിരവധി പേരാണ് ചന്ദ്ര ഗൗഡയുടെ ഈ പ്രണയത്തിന്റെ സ്മാരകം കാണാനെത്തുന്നത്.

താജ്മഹലില്‍ കുറഞ്ഞ പ്രണയമൊന്നും നമ്മള്‍ ഇന്ത്യക്കാര്‍ക്ക് പരിചിതമല്ല. കാരണം പ്രണയത്തിന്റെ ഉദാത്ത മാതൃകയായാണ് നമ്മള്‍ താജ്മഹലിനെ കാണുന്നത്. ഷാജഹാന്‍ ചക്രവര്‍ത്തിയുടെയും അദ്ദേഹത്തിന്റെ പ്രിയതമ മുംതാസിന്റെയും സ്‌നേഹത്തിന്റെ പ്രതീകം. താജ്മഹലോളം ഇവരെങ്കിലും ഇതും മരിച്ചാലും മായാത്ത പ്രണയമാണ്.