കശ്മീരിലെ ഭീകരരെ എണ്ണിയെണ്ണി വധിക്കാനൊരുങ്ങി സൈന്യം ഹിറ്റ് ലിസ്റ്റ് തയ്യാറാക്കി നടപടികള്ക്കൊരുങ്ങി സൈന്യം
വെടിനിര്ത്തല് പിന്വലിച്ചതിന് പിന്നാലെ ഹിറ്റ് ലിസ്റ്റ് തയ്യാറാക്കി ഭീകരവിരുദ്ധ വേട്ടക്കൊരുങ്ങി ഇന്ത്യന് സൈന്യം. ഹിസ്ബുള് മുജാഹിദീന്, ലഷ്കര് ഇ ത്വയ്ബ, ജൈഷെ മൊഹമ്മദ്, അന്സര് ഘസ്വാതുല് ഹിന്ദ്, ഇസ്ലാമിക സ്റ്റേറ്റിനെ കശ്മീര് ഘടകം ഐഎസ്ജെകെ എന്നീ ഭീകര സംഘടനയില് നിന്നുള്ളവരുടെ പട്ടികയാണ് സൈന്യം തയ്യാറാക്കിയിരിക്കുന്നത്. കശ്മീരില് പാക് സഹായത്തോടെ ഇന്ത്യന് സൈന്യത്തിനെ നേരിടുന്ന 21 ഭീകരരുടെ പട്ടികയാണ് സൈന്യം തയ്യാറാക്കിയിരിക്കുന്നത്. ഹിസ്ബുല് മുജാഹിദീന്, ലഷ്കര് ഇ ത്വയ്ബ, ജൈഷെ മൊഹമ്മദ്, അന്സര് ഘസ്വാതുല് ഹിന്ദ്, ഇസ്ലാമിക സ്റ്റേറ്റിന്റെ കശ്മീര് ഘടകം ഐഎസ്ജെകെ എന്നീ ഭീകര സംഘടനയില് നിന്നുള്ളവരുടെ പട്ടികയാണ് സൈന്യം തയ്യാറാക്കിയത്.
എ, എ പ്ലസ്, എ പ്ലസ് പ്ലസ് എന്നിങ്ങനെ തിരിച്ചാണ് ഭീകരരുടെ പട്ടിക തയ്യാറാക്കിയിരിക്കുന്നത്. വിവിധ ഭീകരാക്രമണങ്ങളുമായി ബന്ധമുണ്ടെന്ന് കണ്ടെത്തിയവരാണ് സൈന്യം തയ്യാറാക്കിയ പട്ടികയിലുള്ളത്. ഏറ്റവുമധികം ഭീകരര് ഹിസ്ബുള് മുജാഹിദീനില് നിന്നാണ്. 11 പേര്. ലഷ്കര് ഇ ത്വയ്ബയില് നിന്നുള്ള ഏഴുപേരും ജയ്ഷെ മുഹമ്മദില് നിന്നുള്ള രണ്ടു ഭീകരരും കൂടാതെ അന്സാര് ഘസ്വാതുല് ഹിന്ദിലെ ഒരു ഭീകരനും പട്ടികയിലുണ്ട്. ഐഎസിന്റെ ജമ്മുകശ്മീര് ഘടകത്തില് പ്രവര്ത്തിക്കുന്ന ദാവൂദ് അഹമ്മദ് സോഫി എന്ന ഡാനിഷും ഈ കൂട്ടത്തില് പെടുന്ന ഭീകരനാണ്. ഇയാളെ വെള്ളിയാഴ്ച നടന്ന ഏറ്റുമുട്ടലില് സൈന്യം വധിച്ചിരുന്നു. കശ്മീരില് ഗവര്ണര് ഭരണം വന്നതിനാല് സൈന്യത്തിന് കൂടുതല് സ്വാതന്ത്ര്യം ലഭിച്ചതോടെ ഭീകരവിരുദ്ധ വേട്ട കൂടുതല് കാര്യക്ഷമമാകുമെന്നാണ് കരുതുന്നത്. ഗവര്ണര് ഭരണം വന്നതിന് പിന്നാലെ വെള്ളിയാഴ്ച നടന്ന ആദ്യ സൈനിക നടപടിയില് നാല് ഭീകരരെ വധിച്ചിരുന്നു. ഇതില് രണ്ടുപേരെ തിരിച്ചറിഞ്ഞിട്ടുണ്ട്. പട്ടികയിലുള്ള ഭീകരരില് ചിലര് പാകിസ്താനില് നിന്നുള്ളവരാണ്.
https://www.facebook.com/Malayalivartha
