റെയില്വേ സ്റ്റേഷനുകളിലും പരിസരത്തും ഇനി സെല്ഫി എടുത്താല് പിഴ ഈടാക്കുമെന്ന് റെയില്വേ
23 JUNE 2018 08:20 AM IST
മലയാളി വാര്ത്ത
ദിനംപ്രതി ആളുകളുടെ സെല്ഫി പ്രേമം വര്ദ്ധിച്ചു വരുന്ന സാഹചര്യത്തില് റെയില്വേ സ്റ്റേഷനുകളില് ഇനി സെല്ഫി വേണ്ടെന്ന് റെയില്വേ. റെയില്വേ സ്റ്റേഷനുകളിലും പരിസരത്തും റെയില് പാളങ്ങള്ക്ക് സമീപവുമൊക്കെ നിന്ന് മൊബൈല് ഫോണില് സെല്ഫിയെടുക്കുന്നതിന് റെയില്വേ ബോര്ഡ് നിരോധനമേര്പ്പെടുത്തി.
നിയമം ലംഘിക്കുന്നവരില്നിന്ന് 2,000 രൂപ പിഴ ഈടാക്കാനുള്ള ഉത്തരവ് വെള്ളിയാഴ്ച മുതല് പ്രാബല്യത്തിലായെന്ന് അധികൃതര് അറിയിച്ചു. സെല്ഫിയെടുക്കുന്നതിനിടെ നിരവധി പേര് അപകടത്തില്പ്പെടുന്ന സാഹചര്യത്തിലാണ് റെയില്വേയുടെ ഈ നടപടി.
സ്റ്റേഷനുകള് മലിനമാക്കുന്നവരില് നിന്ന് 500 രൂപ പിഴ ഈടാക്കാനും തീരുമാനിച്ചിട്ടുണ്ട്. വിവിധ സന്നദ്ധ സംഘടനകളുടെ സഹകരണത്തോടെ സ്റ്റേഷനുകള് കേന്ദ്രീകരിച്ച് ബോധവത്കരണ പരിപാടി സംഘടിപ്പിക്കുമെന്നും റെയില്വേ അധികൃതര് അറിയിച്ചു.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
