ഗവർണറെ കയ്യേറ്റം ചെയ്യാൻ ശ്രമിച്ചവരെ സംരക്ഷിക്കുകയും ഗൂഢാലോചനയിൽ പങ്കാളിയാവുകയും ചെയ്ത കണ്ണൂർ വിസിയെ ക്രിമിനൽ എന്നല്ലാതെ കരുണൻ എന്ന് വിളിക്കാൻ പറ്റുമോയെന്ന ചോദ്യവുമായി സന്ദീപ് ജി വാര്യർ. അദ്ദേഹം ഫേസ്ബുക്കിൽ പങ്കു വച്ച കുറിപ്പിന്റെ പൂർണ്ണ രൂപം ഇങ്ങനെ;

ഗവർണറെ കയ്യേറ്റം ചെയ്യാൻ ശ്രമിച്ചവരെ സംരക്ഷിക്കുകയും ഗൂഢാലോചനയിൽ പങ്കാളിയാവുകയും ചെയ്ത കണ്ണൂർ വിസിയെ ക്രിമിനൽ എന്നല്ലാതെ കരുണൻ എന്ന് വിളിക്കാൻ പറ്റുമോ ? ഗവർണർ പദവിയുടെ ഔന്നത്യം അളക്കാനുള്ള എന്ത് യോഗ്യതയാണ് ജയരാജന്മാർക്കുള്ളത് ?

നിയമ ലംഘനം , അനധികൃത നിയമനം ഇതെല്ലാം നടത്തിയ കണ്ണൂർ വിസി ഒരു സാദാ സിപിഎം അണിയുടെ മാനസിക നിലവാരത്തിലാണ് പാർട്ടി വിധേയനായി പ്രവർത്തിക്കുന്നത് . ഗവർണർ ഭരണ ഘടന പദവിയാണ് . ആരിഫ് മുഹമ്മദ് ഖാനെന്ന രാജ്യം ആദരിക്കുന്ന അക്കാദമിഷ്യനെ, പരിണിത പ്രജ്ഞനായ സീനിയർ നേതാവിനെ സത്യം പറഞ്ഞതിന് , സ്വജന പക്ഷപാതം തടഞ്ഞതിന് വേട്ടയാടാമെന്നു സിപിഎം വ്യാമോഹിക്കേണ്ട .

കേരളത്തിലെ സർവ്വകലാശാലകൾ സിപിഎം നേതാക്കളുടെ ബന്ധുക്കൾക്ക് ജോലി കൊടുക്കാനുള്ള പാർട്ടി സ്ഥാപനങ്ങളല്ല . മലയാളികൾ ആരിഫ് മുഹമ്മദ് ഖാനെന്ന നീതിമാനായ ഗവർണർക്ക് പിന്തുണ നൽകണം . ഇല്ലെങ്കിൽ നമ്മുടെ സർവകലാശാലകളെ തറവാട്ട് മുതൽ പോലെ ബന്ധു നിയമനങ്ങൾക്കായി സിപിഎം നേതാക്കൾ ദുരുപയോഗം ചെയ്യുന്നത് തുടരും .