നവകേരള യാത്രയ്ക്കിടെ ആലപ്പുഴയിൽ വെച്ച് മുൻ മുഖ്യമന്ത്രി പിണറായി വിജയന്റെ ഗൺമാന്മാർ യൂത്ത് കോൺഗ്രസ് പ്രവർത്തകരെ മർദ്ദിച്ചതിൽ എസ്‌ഐടി അന്വേഷണം . ആദ്യ അന്വേഷണ സംഘങ്ങൾ നൽകിയ രണ്ട് റിപ്പോർട്ടുകളും പരിശോധിച്ചു.

മർദ്ദനമേറ്റ നിയുക്ത എംഎൽഎ എ ഡി തോമസിന്റെയും അജയ് ജ്യുവൽ കുര്യാക്കോസിന്റെയും മൊഴിയെടുക്കും. ദൃശ്യങ്ങൾ പകർത്തിയ മാധ്യമപ്രവർത്തകരിൽ നിന്ന് വിവരങ്ങൾ തേടും. 15 ദിവസം കൊണ്ട് അന്വേഷണ പുരോഗതി റിപ്പോർട്ട് സമർപ്പിക്കും. ഇ വിഷയത്തിൽ പ്രതികരിച്ച് മുൻ എം എൽ എ രാഹുൽ മാങ്കൂട്ടത്തിൽ.

രാഹുലിന്റെ ഫേസ്ബുക്ക് കുറിപ്പ് ഇങ്ങനെ;-

നവകേരള സദസ്സിൽ സമരക്കാരെ തല്ലിയ അനിൽകുമാറിനും സന്ദീപിനും എതിരായ കേസ് SP ഷൗക്കത്ത് അലി അന്വേഷിക്കും. ഏത് ഷൗക്കത്തലി?മുടക്കോഴി മലയിൽ പോയി ടിപി യെ കൊന്ന കൊടി സുനിയേം CPIM ക്രിമിനൽ സംഘത്തെയും പിടികൂടിയ ഷൗക്കത്തലി. അതിന്റെ പേരിൽ വിജയൻ സർക്കാർ 10 വർഷം ദ്രോഹിച്ച ഷൗക്കത്തലി.കാര്യങ്ങൾ മനസ്സിലാകുന്നുണ്ടല്ലോ അല്ലേ? പാർട്ടി.