റിപ്പോര്ട്ടര് ടിവിയിലെ പോലീസ് അതിക്രമം ; മാധ്യമങ്ങളെ പേടിപ്പിച്ച് വരുതിയില് നിര്ത്താനാണ് വി.ഡി സതീശന് സര്ക്കാര് ശ്രമിക്കുന്നത്; സംഭവം ഗൗരവകരമാണെന്ന് സി.പി.ഐ (എം)
റിപ്പോര്ട്ടര് ടിവിയിലെ പോലീസ് അതിക്രമം മാധ്യമ സ്വാതന്ത്ര്യത്തിന് നേരെയുള്ള കടന്നാക്രമണമാണെന്ന് സി.പി.ഐ (എം). എതിരായി വാര്ത്ത നല്കുന്ന മാധ്യമങ്ങളെ പേടിപ്പിച്ച് വരുതിയില് നിര്ത്താനാണ് വി.ഡി സതീശന് സര്ക്കാര് ശ്രമിക്കുന്നത്. മാധ്യമ പ്രവര്ത്തകരുടെ ജോലി തടസപ്പെടുത്തുകയും, ഫോണ് പിടിച്ചെടുക്കുകയും ചെയ്തത് ഗൗരവകരമാണ്. ലാത്തിയുമായി പോലീസുകാര്ക്ക് ന്യൂസ് ഡെസ്കില് എന്താണ് കാര്യമെന്ന് സര്ക്കാര് മറുപടി പറയണം.
മുഖ്യമന്ത്രിക്കെതിരെയുള്ള മാധ്യമ വാര്ത്തകളും, സോഷ്യല് മീഡിയാ വീഡിയോകളും വ്യാപകമായി പൊലീസിനെ ഉപയോഗിച്ച് നീക്കം ചെയ്തതിന് പിന്നാലെയാണ്, വാര്ത്തകളെ തന്നെ വരുതിയില് നിര്ത്താനുള്ള ഈ നീക്കം. എല്ലാ നടപടി ക്രമങ്ങളും കാറ്റില്പ്പറത്തി പോലീസ് നടത്തിയ മാധ്യമ വേട്ടയ്ക്കെതിരെ പ്രബുദ്ധ കേരളം രംഗത്തെത്തും. കോണ്ഗ്രസ് ദേശീയ നേതൃത്വം ഈ വിഷയത്തില് മറുപടി പറയാന് തയ്യാറാവണം.
കേരളം അപൂര്വമായി മാത്രം സാക്ഷ്യം വഹിച്ച മാധ്യമ വേട്ടയാണ് ഇന്ന് രാവിലെ നടന്നത്. മുഖ്യമന്ത്രിയുടെ നേരിട്ടുള്ള നിര്ദ്ദേശത്തിലാണ് ഈ നടപടികളെന്ന് അദ്ദേഹത്തിന്റെ ന്യായീകരണത്തിലൂടെ വ്യക്തമായി. കേരളം കണ്മുന്നില് കണ്ട ദൃശ്യങ്ങളെക്കുറിച്ചാണ് അദ്ദേഹം പച്ചക്കള്ളം പറയുന്നതെന്ന് സി.പി.ഐ (എം) വ്യക്തമാക്കി.
https://www.facebook.com/Malayalivartha
