കോൺഗ്രസ്സിന്റെയും ബിജെപിയുടെയും അഭിമാനപോരാട്ടം നടക്കുന്ന ഗുജറാത്തിൽ എക്സിറ്റ് പോള്‍ ഫലങ്ങൾ പുറത്തു വന്നു. ഗുജറാത്തില്‍ ബിജെപി അധികാരം നിലനിർത്തുമെന്നാണ് ടൈംസ് നൗ സർവ്വേ ഫലം. ഗുജറാത്തിനു പുറമെ ഹിമാചലിലും ബി.ജെ.പി നേടുമെന്നാണ് ടൈംസ് നൗ പ്രവചിക്കുന്നു.

109 സീറ്റുകളാണ് ടൈംസ് നൗ - വി എം ആര്‍ എക്സിറ്റ് പോള്‍ ബി ജെ പിക്ക് പ്രവചിക്കുന്നത്. ഉച്ചതിരിഞ്ഞ് മൂന്ന് മണിവരെ ബൂത്തിലെത്തിയ വോട്ടര്‍മാരെ ആധാരമാക്കിയാണ് ഈ വിവരം. 22 വര്‍ഷമായി സംസ്ഥാനം ഭരിക്കുന്ന ബി.ജെ.പി വീണ്ടും അധികാരതിലെത്തുമെന്നാണ് വിവിധ എക്സിറ്റ് പോളുകള്‍ പ്രവചിക്കുന്നത്.എന്നാൽ വോട്ടിംഗ് ശതമാനം കുറയുമെന്നാണ് റിപ്പോർട്ട്. ഹിമാചലിൽ മൂന്നില്‍ രണ്ട് ഭൂരിപക്ഷത്തില്‍ ബി.ജെ.പി ഭരണമെന്നാണ് ഇന്ത്യാടുഡെ സര്‍വ്വെ ചൂണ്ടിക്കാട്ടുന്നത്.