പ്രധാനമന്ത്രിയെയും കേന്ദ്ര സർക്കാരിനെയും രൂക്ഷമായി വിമർശിച്ച് ദളിത് പ്രക്ഷോഭ നേതാവും എം എൽ എയുമായ ജിഗ്നേഷ് മേവാനി. ഭീം ​ആ​ര്‍​മി ത​ല​വ​ന്‍ ച​ന്ദ്ര​ശേ​ഖ​ര്‍ ആ​സാ​ദി​ന്‍റെ ജ​യി​ല്‍ മോ​ച​നം ആ​വ​ശ്യ​പ്പെ​ട്ട് ന​ട​ന്ന ഡ​ല്‍​ഹി​യി​ലെ പാ​ര്‍​ല​മെ​ന്‍റ് സ്ട്രീ​റ്റി​ല്‍ ന​ട​ന്ന റാ​ലി​യിലാണ് ജിഗ്നേഷിന്റെ വിമർശനം. ദളിതർക്കെതിരെയുള്ള അക്രമങ്ങൾ വർധിച്ചു വരികയാണെന്നും സ​ഹാ​റ​ന്‍​പൂ​രി​ലും ഭീ​മ കൊ​റേ​ഗാ​വി​ലും നടന്ന അക്രമങ്ങൾക്ക് ബിജെപി മറുപടി പറയണമെന്നും അദ്ദേഹം ആവശ്യപ്പെട്ടു.

വി​ദേ​ശ​ത്തു​നി​ന്ന് ഇ​ന്ത്യ​ക്കാ​രു​ടെ അ​ക്കൗ​ണ്ടി​ല്‍ പ​ണം നി​ക്ഷേ​പി​ക്കുമെന്നും ല​ക്ഷ​ക്ക​ണ​ക്കി​നു യു​വാ​ക്ക​ള്‍​ക്കു ജോ​ലി നൽകുമെന്ന വാ​ഗ്ദാ​നം പാ​ലി​ക്കാ​ത്ത മോ​ദി മ​റു​പ​ടി പ​റ​യ​ണമെന്നും ജിഗ്നേഷ് വ്യക്തമാക്കി. സു​ര​ക്ഷാ പ്ര​ശ്ന​ങ്ങ​ള്‍ ചൂ​ണ്ടി​ക്കാ​ട്ടി റാ​ലി​ക്ക് ഡ​ല്‍​ഹി പോ​ലീ​സ് അ​നു​മ​തി നി​ഷേ​ധി​ച്ചി​രു​ന്നെ​ങ്കി​ലും ജിഗണേഷിന്റെ നേതൃത്വത്തിൽ റാലി നടത്തുകയായിരുന്നു.

ജനപ്രതിനിധിയെ സം​സാ​രി​ക്കാ​ന്‍ അ​നു​വ​ദി​ക്കാ​ത്ത കേന്ദ്രസ​ര്‍​ക്കാ​ര്‍ നിലപാടിനെയും ജിഗ്നേഷ് കു​റ്റ​പ്പെ​ടു​ത്തി. മേ​വാ​നി​ക്കു പു​റ​മേ മ​നു​ഷ്യാ​വ​കാ​ശ പ്ര​വ​ര്‍​ത്ത​ക​ന്‍ അ​ഖി​ല്‍ ഗോ​ഗോ​യ്, വി​ദ്യാ​ര്‍​ഥി നേ​താ​ക്ക​ളാ​യ ഉ​മ​ര്‍ ഖാ​ലി​ദ്, ഷെ​ഹ്ല റാ​ഷി​ദ്, ക​ന​യ്യ​കു​മാ​ര്‍ എ​ന്നി​വ​രും റാ​ലി​യി​ല്‍ പ​ങ്കെ​ടു​ത്തു.