യൂ എ ഇയിൽ പുതുവത്സരത്തോടനുബന്ധിച്ച് ൽ അവധി ആയതിനാൽ ദുബായ് റോഡ് ട്രാൻസ്പോർട്ട് അതോറിറ്റിയുടെ (ആർ.ടി.എ.) പൊതുവാഹനങ്ങളുടെ സമയക്രമത്തിൽ മാറ്റം വരുമെന്ന് റിപ്പോർട്ട് . ഇതിനുപുറമേ ജനുവരി ഒന്നിന് ദുബായിൽ പാർക്കിങ് നിരക്ക് ഈടാക്കില്ലെന്ന് റോഡ് ട്രാൻസ്പോർട്ട് അതോറിറ്റി അറിയിച്ചു. എന്നാൽ ബഹുനില പാർക്കിങ് സമുച്ചയങ്ങൾക്ക് ഈ ഇളവ് ബാധകമാവില്ലെന്നും അധികൃതർ വ്യക്തമാക്കി .

ദുബായ് മെട്രോയുടെ റെഡ് ലൈൻ തുടർച്ചയായി തിങ്കളാഴ്ച രാവിലെ അഞ്ചുമുതൽ ബുധനാഴ്ച പുലർച്ചെ ഒന്നുവരെയും ,മെട്രോയുടെ ഗ്രീൻലൈൻ തിങ്കളാഴ്ച രാവിലെ അഞ്ചരമുതൽ ബുധനാഴ്ച പുലർച്ചെ ഒന്നുവരെയും സർവീസ് നടത്തും. ദുബായ് ട്രാം തിങ്കളാഴ്ച രാവിലെ ആറുമണിതൊട്ട് ബുധനാഴ്ച പുലർച്ചെ ഒന്നുവരെ പ്രവർത്തിക്കും.

ഗോൾഡ്സൂഖ് ബസ് സ്റ്റേഷനിൽനിന്ന് രാവിലെ നാലരമുതലും അൽ ഗുബൈബ സ്റ്റേഷനിൽനിന്ന് രാവിലെ 4.15 മുതലും രാത്രി പന്ത്രണ്ടരവരെ ബസ് സർവീസുകൾ ഉണ്ടാകും. സത്വയിൽനിന്നും അൽ ഖൂസ് സ്റ്റേഷനിൽനിന്നും രാവിലെ അഞ്ചുമുതൽ രാത്രി 11.45 വരെയും ഖിസൈസ് ബസ് സ്റ്റേഷനിൽനിന്ന് രാവിലെ അഞ്ചുമുതൽ രാത്രി 11.35 വരെയും ജബൽ അലി സ്റ്റേഷനിൽനിന്ന് രാവിലെ അഞ്ചുമുതൽ രാത്രി 11.30 വരെയും ബസുകൾ സർവീസ് നടത്തും.

മെട്രോയുമായി ബന്ധിപ്പിച്ചിട്ടുള്ള റഷീദിയ, മാൾ ഓഫ് ദി എമിറേറ്റ്‌സ്, ബുർജ് ഖലീഫ, അബുഹൈൽ, ഇത്തിസലാത് എന്നീ സ്റ്റേഷനുകളിൽനിന്ന് ചൊവ്വാഴ്ച രാവിലെ അഞ്ചുമുതൽ രാത്രി 12.10 വരെ ബസ് സർവീസുകൾ നടക്കും. അൽ ഗുബൈബയിൽനിന്ന് ഷാർജയിലേക്കുള്ള ഇന്റർസിറ്റി ബസുകൾ 24 മണിക്കൂറും ലഭ്യമാകും. അബുദാബിയിലേക്ക് വെളുപ്പിന് നാലരമുതൽ പിറ്റേന്ന് പുലർച്ചെ ഒന്നുവരെ ബസുണ്ടാകും.

യൂണിയൻ സ്ക്വയർ സ്റ്റേഷൻ വെളുപ്പിന് 4.25 മുതൽ രാത്രി 1.20 വരെയും അൽ സബ്കാ സ്റ്റേഷൻ രാവിലെ 6.15 മുതൽ പുലർച്ചെ 1.30 വരെയും ദേര സിറ്റി സെന്റർ സ്റ്റേഷൻ രാവിലെ 5.35 തൊട്ട് രാത്രി 11.30 വരെയും കരാമ സ്റ്റേഷൻ 6.10 മുതൽ രാത്രി 10.10 വരെയും അൽ അഹ്ലി ക്ലബ്ബ് സ്റ്റേഷൻ 5.55 മുതൽ രാത്രി 10.15 വരെയും പ്രവർത്തിക്കും.

മറീന സ്റ്റേഷനുകളിൽനിന്നുള്ള വാട്ടർ ബസ് സർവീസുകൾ ചൊവ്വാഴ്ച ഉച്ചയ്ക്ക് 12 മുതൽ രാത്രി 12 വരെ നടക്കും. മറീന, ഗുബൈബ സ്റ്റേഷനുകളിൽനിന്നുള്ള ഫെറി സർവീസുകൾ ഉച്ചയ്ക്ക് ഒന്ന്, മൂന്ന്, വൈകീട്ട് അഞ്ച്, ആറര എന്നീ സമയങ്ങളിൽ സർവീസ് നടത്തും. അൽ ജദ്ദാഫ് സ്റ്റേഷനിൽനിന്ന് ദുബായ് വാട്ടർ കനാലിലേക്കുള്ള ഫെറി സർവീസ് വൈകീട്ട് അഞ്ചരമണിക്കും തിരിച്ച് ദുബായ് വാട്ടർ കനാലിൽനിന്ന് ജദ്ദാഫ് സ്റ്റേഷനിലേക്കുള്ള സർവീസ് രാത്രി 7.35-നും ലഭ്യമാകും. ദുബായ് ക്രീക്ക് സ്റ്റേഷനുകളിലെ അബ്ര സർവീസ് ഉച്ചയ്ക്ക് 12 മുതൽ രാത്രി 12 വരെ ലഭ്യമാകും.