റാസൽഖൈമയിൽ വൃക്ക രോഗത്തെത്തുടർന്ന് ചികിത്സയിലായിരുന്ന പ്രവാസി മലയാളി മരണപ്പെട്ടു. കാസർഗോഡ് കാഞ്ഞങ്ങാട് മുട്ടുന്തല സ്വദേശി അബ്‌ദുല്ല ഹാജി (54) ആണ് റാസൽഖൈമയിൽ നിര്യാതനായത്. 35 വർഷമായി യു.എ.ഇയിലുള്ള അബ്‌ദുല്ല ഹാജി അബൂദബിയിലും, ദുബൈയിലും ബിസിനസ് നടത്തിവരുകയായിരുന്നു ഇദ്ദേഹം.

ഭാര്യ: ആയിഷ. മക്കൾ: ശരീഫ്, ഷംഷാദ്, ഷഹീന. മരുമകൻ: റിയാസ്. റാസൽ ഖൈമ സൈഫ് ഹോസ്പിറ്റൽ മോർച്ചറിയിൽ സൂക്ഷിച്ച മൃതദേഹം നിയമനടപടികൾ പൂർത്തിയാക്കി നാട്ടിലേക്ക് കൊണ്ടുപോകുമെന്ന് ബന്ധുക്കൾ പറഞ്ഞു.