മഴ വര്‍ഷിക്കാനായി പ്രാര്‍ത്ഥിക്കാന്‍ സൗദി രാജാവിന്റെ ആഹ്വാനം ഏറ്റെടുത്ത് പ്രവാസികളും ഒപ്പം ചേരുന്നു. അടുത്ത വ്യാഴാഴ്ചയാണ് പ്രാര്‍ത്ഥന ആരംഭിക്കുന്നത്. മഴക്കുവേണ്ടിയുള്ള പ്രാര്‍ത്ഥന പ്രവാചക ചര്യയാണ് നടത്താനിരിക്കുന്നത്.സൗദിയിലെ മുസ്ലിം മതവിശ്വാസികളായ സ്വദേശികളോടും വിദേശികളോടുമാണ് തിരുഗേഹങ്ങളുടെ സേവകന്‍ സല്‍മാന്‍ രാജാവ് മഴക്കുവേണ്ടിയുള്ള പ്രാര്‍ത്ഥനക്ക് ഉത്തരവിട്ടിട്ടുള്ളത് തന്നെ. അടുത്ത വ്യാഴാഴ്ചയാണ് മഴക്ക് വേണ്ടിയുള്ള നിസ്‌കാരം നിര്‍വ്വഹിക്കേണ്ടത് എന്നാണ് ആഹ്വാനം. സൗദിയുടെ എല്ലാ ഭാഗത്തും നിസ്‌കാരം നടത്തണമെന്ന് തിരുഗേഹങ്ങളുടെ സേവകന്‍ സല്‍മാന്‍ രാജാവിന്റെ ഉത്തരവില്‍ പറയുന്നുണ്ട്.

അതോടൊപ്പം തന്നെ മഴക്ക് വേണ്ടിയുള്ള നിസ്‌കാരം പ്രവാചകചര്യയാണ്. പ്രവാചകചര്യ പിന്തുടരുക എന്നത് വിശ്വാസികളുടെ ബാധ്യതയുമാണ്. ദൈവത്തോട് പാപമോചനത്തിന് അപേക്ഷിക്കുകയും ദൈവീക സ്മരണയും ഐഛിക നിസ്‌കാരങ്ങള്‍ വര്‍ദ്ധിപ്പിക്കുകയും ചെയ്യണം. ആത്മിയമായി ദൈവത്തിനു കീഴ്പ്പെടുകയും ജനങ്ങള്‍ക്ക് ദാനധര്‍മ്മങ്ങളും സഹായവും നല്‍കി ജീവകാരുണ്യ പ്രവര്‍ത്തനത്തിലൂടെ പ്രയാസങ്ങള്‍ക്ക് പരിഹാരം കാണുകയും ചെയ്യേണ്ടതുണ്ട്. ഇതിലൂടെ ദൈവത്തിലേക്ക് മടങ്ങുകയും ചെയ്താല്‍ ദൈവം നമ്മെ കൈവിടില്ലെന്ന് സൗദി റോയല്‍ കോര്‍ട്ട് പുറത്തിറക്കിയ വിജ്ഞാപനത്തില്‍ വ്യക്തമായി സൂചിപ്പിക്കുന്നു.

പ്രവാചകചര്യയെ പ്രയോഗവത്ക്കരിക്കുന്നതിനും ദൈവത്തിലേക്ക് അഭയം പ്രാപിക്കുന്നത് പ്രകടമാക്കുന്നതിനും വേണ്ടി കഴിയുന്നവരെല്ലാം അടുത്ത വ്യാഴാഴ്ച മഴക്കുവേണ്ടിയുള്ള നിസ്‌കാരം നര്‍വ്വഹിക്കണമെന്ന് രാജാവ് അഭ്യര്‍ത്ഥിക്കുകയുണ്ടായി.