ഇന്ത്യക്കാർക്ക് ഇപ്പോഴും ഭാഗ്യം നൽകുന്ന ബിഗ് ടിക്കറ്റിൽ ചരിത്രം ആവർത്തിക്കുകയാണ്. യുഎഇ റാസ് അല്‍ ഖൈമയില്‍ തമസക്കാരനായ ഇന്ത്യക്കാരന് അബുദാബി ബിഗ് ടിക്കറ്റ് നറുക്കെടുപ്പില്‍ ഭാഗ്യകടാക്ഷം. 41 കോടിയിലധികം രൂപയാണ് (20 മില്യണ്‍ ദിര്‍ഹം) സമ്മാനത്തുകയായി ലഭിച്ചിരിക്കുന്നത്. എന്നാൽ ഇന്ത്യയില്‍ ഏത് നാട്ടുകാരനാണെന്ന് വ്യക്തമായിട്ടില്ല. ജിജേഷ് കോറോത്താന്‍ എന്നാണ് വിജിയിയുടെ പേരെന്ന് ഖലീജ് ടൈംസ് റിപ്പോര്‍ട്ട് ചെയ്തത്.

അതോടൊപ്പം തന്നെ അദ്ദേഹത്തിന്റെ പ്രതികരണവുമുണ്ട്. 'ഭാര്യക്കും മകള്‍ക്കുമൊപ്പം നറുക്കെടുപ്പ് തത്സമയം കാണുകയായിരുന്നു ഇദ്ദേഹം. തനിക്ക് കിട്ടിയ സമ്മാനം എന്റെ രണ്ട് സുഹൃത്തുക്കളുമായി പങ്കുവയ്ക്കുമെന്നും ജിജേഷ് പറഞ്ഞു. കുടുംബത്തെ ഇന്ത്യയിലേക്ക് അയക്കാന്‍ ആഗ്രഹിക്കുന്നതായും, കഴിഞ്ഞ ആറ് മാസമായി താന്‍ ടിക്കറ്റെടുക്കാറുണ്ടെന്നും ജിജേഷ് പറയുകയുണ്ടായി.

അതേസമയം കൊവിഡിന്റെ പശ്ചാത്തലത്തില്‍ ആള്‍ക്കൂട്ടം ഒഴിവാക്കിയായിരന്നു നറുക്കെടുപ്പ്. ആളുകള്‍ക്ക് നറുക്കെടുപ്പ് തത്സമയം കാണാന്‍ ഫേസ്ബുക്ക് വഴയും യൂട്യൂബ് വഴിയുമായിരുന്നു അവസരമൊരുക്കിയിരുന്നു. ആദ്യം 7.30ന് നിശ്ചയിച്ച നറുക്കെടുപ്പ് ഉച്ചയ്ക്ക് രണ്ടിലേക്ക് മാറ്റി ആവശ്യമായി സുരക്ഷാ മുന്നൊുരുക്കങ്ങളോടെ നറുക്കടുപ്പ് നടത്തുകയായിരുന്നു ഇവർ ചെയ്തത്. നറുക്കെടുക്കെടുപ്പില്‍ പങ്കെടുക്കാന്‍ താല്‍പര്യമുള്ളവര്‍ക്ക് 20 കോടിയുടെ പുതിയ ടിക്കറ്റുകള്‍ ഓണ്‍ലൈനില്‍ നിന്ന് വാങ്ങാമെന്ന് അധികൃതര്‍ അറിയിക്കുകയുണ്ടായി. അതോടൊപ്പം തന്നെ മെയ് മൂന്നിനായിരിക്കും ഈ ടിക്കറ്റിന്റെ നറുക്കെുടപ്പ് നടക്കുക.