ദുബായിക്കാരോടാണ്…കൂട്ടത്തിലാര്‍ക്കെങ്കിലും കോവിഡ് സ്ഥിരീകരിച്ചിട്ടുണ്ടെങ്കില്‍ ഉടന്‍ വൈദ്യ സഹായത്തിനായി ഇവരെ ബന്ധപ്പെടാവുന്നതാണ്
19 APRIL 2020 06:45 PM IST
മലയാളി വാര്‍ത്ത
വൈദ്യസഹായത്തിനുപുറമേ നൂറു കണക്കിന് വിദേശ തൊഴിലാളികള്‍ക്ക് ദിവസവും ഭക്ഷണ കിറ്റുകളും ഇവര്‍ വിതരണം ചെയ്യുന്നുണ്ട്. മരുന്നിനും ഭക്ഷണത്തിനും ഏതു സമയത്തും കണ്‍ട്രോള്‍ റൂമിനെ ബന്ധപ്പെടാവുന്നതാണ്. സാമൂഹ്യപ്രവര്‍ത്തകരായ നദീര്‍ കാപ്പാട്, മുനീര്‍ കുമ്ബള, ജലീല്‍ സി പി തുടങ്ങിയവരാണ് ഈ ആശയത്തിനുപിന്നില്‍.
യുഎഇയില്‍ നാല് കൊവിഡ് മരണം കൂടി സ്ഥിരീകരിച്ചു. മൂന്ന് ഏഷ്യന്‍ രാജ്യങ്ങളില്‍ നിന്നുള്ളവരും ഒരു ഗള്‍ഫ് പൗരനുമാണ് മരിച്ചത്. ഇതോടെ രാജ്യത്ത് കൊവിഡ് ബാധിച്ച്‌ മരിച്ചവരുടെ എണ്ണം 41 ആയി.
അതേസമയം 479 പേര്‍ക്ക് കൂടി പുതുതായി കൊവിഡ് സ്ഥിരീകരിച്ചു. ഇതോടെ രാജ്യത്ത് രോഗബാധിതരുടെ എണ്ണം 6,781 ആയി ഉയര്‍ന്നു. ആരോഗ്യമന്ത്രാലയമാണ് ഇക്കാര്യം അറിയിച്ചത്. 98 പേര്‍ക്ക് ഇന്ന് പൂര്‍ണമായും രോഗം ഭേദപ്പെട്ടു. രോഗവിമുക്തി നേടിയവരുടെ എണ്ണം 1286 ലെത്തി. പുതുതായി രോഗം സ്ഥിരീകരിച്ചവരുടെ ആരോഗ്യസ്ഥിതി ഗുരുതരമല്ല.
ജിസിസി രാഷ്ട്രങ്ങളിലും പശ്ചിമേഷ്യയിലും കോവിഡ് വ്യാപനം തുടരുന്നതിനിടെ രാജ്യങ്ങളിലെ സാമ്ബത്തിക സ്ഥിതിയെ കുറിച്ച്‌ അന്താരാഷ്ട്ര നാണയനിധിയുടെ റിപ്പോര്‍ട്ട്. ഗള്‍ഫ് രാജ്യങ്ങളില്‍ കൊവിഡ് വ്യാപനത്തിന് പിന്നാലെ സാമ്ബത്തിക തകര്‍ച്ച ഉണ്ടാവുമെന്നാണ് അന്താരാഷ്ട്ര നാണയ നിധിയുടെ(ഐഎംഎഫ്) വിലയിരുത്തല്‍. ഗള്‍ഫ് മേഖലയിലും പശ്ചിമേഷ്യയിലും സാമ്ബത്തിക തകര്‍ച്ച അനുഭവപ്പെടുമെന്നും സമ്ബദ് വ്യവസ്ഥ ഈ വര്‍ഷം 3.3 ശതമാനമായി ചുരുങ്ങുമെന്നും ഐഎംഎഫിന്റെ ലോക സാമ്ബത്തിക അവലോകന റിപ്പോര്‍ട്ടില്‍ മുന്നറിയിപ്പ് നല്‍കി.
നാല് പതിറ്റാണ്ടിനിടയിലെ ഏറ്റവും വലിയ ഇടിവാണ് വൈറസ് വ്യാപനവും എണ്ണ വിലയിലെ ഇടിവും മൂലമുണ്ടാകാന്‍ പോകുന്നതെന്ന് ഐഎംഎഫിന്റെ റിപ്പോര്‍ട്ടില്‍ വ്യക്തമാക്കുന്നു. അറബ് രാജ്യങ്ങളും ഇറാനും ഉള്‍പ്പെടുന്ന പ്രദേശത്ത് 1978നു ശേഷം ഉണ്ടാകുന്ന ഏറ്റവും മോശം സാമ്ബത്തിക പ്രകടനമായിരിക്കും നേരിടേണ്ടി വരിക. ഒപെക് ഒപെക് ഇതര രാജ്യങ്ങളുടെ കൂട്ടായ തീരുമാനമനുസരിച്ചു എണ്ണ ഉല്‍പാദനം വെട്ടിക്കുറച്ചതോടെ 2019 ല്‍ 0.3 ശതമാനം വളര്‍ച്ച കൈവരിച്ച സൗദി സമ്ബദ്വ്യവസ്ഥയുടെ സാധ്യതകളെ കൂടുതല്‍ മന്ദീഭവിപ്പിക്കുമെന്നും മുന്നറിയിപ്പുണ്ട്. യുഎഇയുടെ സമ്ബദ്വ്യവസ്ഥ 3.5 ശതമാനം ചുരുങ്ങും. ഗള്‍ഫിലെ മൂന്നാമത്തെ വലിയ സാമ്ബത്തിക ശക്തിയായ ഖത്തറില്‍ 4.3 ശതമാനം ഇടിവ് പ്രതീക്ഷിക്കുന്നുവെന്നും റിപ്പോര്‍ട്ടില്‍ പറയുന്നു.പശ്ചിമേഷ്യയിലെ രണ്ടാമത്തെ വലിയ ശക്തിയായ ഇറാനിലെ സമ്ബദ്വ്യവസ്ഥ 2020 ല്‍ 6.0 ശതമാനം ചുരുങ്ങുമെന്നാണ് പ്രവചനം. 2008 ലെ ആഗോള സാമ്ബത്തിക പ്രതിസന്ധിയെ അപേക്ഷിച്ച്‌ സമ്ബദ്ഘടന മോശമാകുമെന്നാണ് അന്താരാഷ്ട്ര നാണയ നിധി ലോക സാമ്ബത്തിക അവലോകന റിപ്പോര്‍ട്ടിലൂടെ വ്യക്തമാക്കുന്നത്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
