സംസ്ഥാനത്ത് കനത്ത മഴ; നാളെ രണ്ട് ജില്ലകള്ക്ക് അവധി പ്രഖ്യാപിച്ചു
കനത്ത മഴയെ തുടര്ന്ന് സംസ്ഥാനത്തെ രണ്ട് ജില്ലകളിലെ വിദ്യാഭ്യാസ സ്ഥാപനങ്ങള്ക്ക് നാളെ അവധി പ്രഖ്യാപിച്ചു. കോഴിക്കോട്, കാസര്ഗോഡ് ജില്ലകളിലാണ് അവധി പ്രഖ്യാപിച്ചത്. വടക്കന് കേരളത്തില് അതിശക്തമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥാ വകുപ്പ് മുന്നറിയിപ്പ് നല്കിയിരുന്നു. കോഴിക്കോട്, കണ്ണൂര്, കാസര്കോട് ജില്ലകളിലാണ് റെഡ് അലേര്ട്ട് പ്രഖ്യാപിച്ചത്.ഈ ജില്ലകളില് ഇന്ന് ഓറഞ്ച് അലേര്ട്ടാണ് നിലവിലുള്ളത്.
കോഴിക്കോട്, കാസര്ഗോഡ് ജില്ലകളിലെ പ്രൊഫഷണല് കോളേജുകള്, സ്കൂളുകള്, അങ്കണവാടികള്, ട്യൂഷന് സെന്ററുകള്, ഐസിഎസ്ഇ, സിബിഎസ്ഇ സ്കൂളുകള്, കേന്ദ്രീയ വിദ്യാലയങ്ങള്, മദ്രസകള് ഉള്പ്പെടെ ഉള്ള മതവിദ്യാഭ്യാസ സ്ഥാപനങ്ങള് അടക്കം എല്ലാ വിദ്യാഭ്യാസ സ്ഥാപനങ്ങള്ക്കും അവധി ബാധകമായിരിക്കും. റസിഡന്ഷ്യല് സ്കൂളുകള്ക്ക് അവധി ബാധകമല്ല.
മുന്കൂട്ടി നിശ്ചയിച്ച സര്വകലാശാല/പൊതു പരീക്ഷകള്ക്കും അഭിമുഖങ്ങള്ക്കും മാറ്റമുണ്ടായിരിക്കുന്നതല്ല.കൊങ്കണ് തീരത്തിന് സമീപം മധ്യ കിഴക്കന് അറബിക്കടലിന് മുകളിലായി രൂപപ്പെട്ട ചക്രവാത ചുഴിയാണ് മഴ ശക്തമാകാന് കാരണമെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു. കടല് പ്രക്ഷുബ്ധമാകാന് സാധ്യതയുള്ളതിനാല് ചൊവ്വാഴ്ച വരെ മത്സ്യത്തൊഴിലാളികള് കടലില് പോകരുതെന്ന കര്ശന മുന്നറിയിപ്പും അധികൃതര് നല്കിയിട്ടുണ്ട്.
https://www.facebook.com/Malayalivartha
