എയര് ഇന്ത്യയില് യാത്ര ചെയ്യുന്നവരുടെ ശ്രദ്ധയ്ക്ക്... എട്ടു കിലോ കടന്ന ഒരോ കിലോയ്ക്കും കൈ പൊള്ളും
എയര് ഇന്ത്യയെ പറ്റിയുള്ള പരാതി പ്രവാഹത്തിനിടയില് യാത്രക്കാര്ക്ക്മേല് മറ്റൊരു പ്രഹരം. വിമാനത്തിനകത്തു കൊണ്ടുപോകുന്ന ഹാന്ഡ് ബാഗേജിന്റെ കാര്യത്തില് എയര് ഇന്ത്യ പുതിയ നിയമം കൊണ്ടു വന്നത്. ഹാന്ഡ് ബാഗേജിന് അധികചാര്ജ് ഈടാക്കുന്നതിനുള്ള വിമാനക്കമ്പനികളുടെ നീക്കം കേന്ദ്രസര്ക്കാര് കഴിഞ്ഞദിവസമാണ് തടഞ്ഞത്. അതിന് തൊട്ടുപിന്നാലെയാണ് നിയമങ്ങള് കര്ശനമാക്കിക്കൊണ്ടുള്ള അറിയിപ്പ് എയര് ഇന്ത്യ പുറത്തിറക്കിയത്.
ജൂലായ് ഒന്നുമുതല് എയര്ഇന്ത്യാ വിമാനങ്ങളില് കൈയില് കരുതാവുന്നത് പരമാവധി എട്ടുകിലോ വരുന്ന സാധനങ്ങള് മാത്രമായിരിക്കും. വിമാനത്താവളങ്ങളിലെ ഡ്യൂട്ടിഫ്രീ സ്റ്റോറുകളില്നിന്ന് വാങ്ങുന്ന സാധനങ്ങള് ഉള്പ്പെടെയായിരിക്കും ഇത്. ഡ്യൂട്ടിഫ്രീ ഷോപ്പുകളില്നിന്ന് വാങ്ങുന്ന സാധനങ്ങള് ഇതുവരെ ഹാന്ഡ് ബാഗില് യഥേഷ്ടം കൊണ്ടുപോകുമായിരുന്നു. പുതിയ നിബന്ധനയോടെ ഈ സൗകര്യമാണ് അവസാനിക്കുന്നത്.
എയര് ഇന്ത്യ എക്സ്പ്രസ്സ് വിമാനങ്ങളില് ഹാന്ഡ് ബാഗേജ് ഏഴുകിലോ മാത്രമായിരിക്കും. എല്ലാ ഗള്ഫ് രാജ്യങ്ങളില്നിന്നുമുള്ള എയര് ഇന്ത്യാ വിമാനങ്ങളിലും ഈ നിബന്ധന നിലവില്വരും. അധികംവരുന്ന സാധനങ്ങള്ക്ക് കിലോവിന് അറുപത് ദിര്ഹം വരെ ചാര്ജായി നല്കേണ്ടിവരും. യു.എ.ഇ.യിലെ ഏത് വിമാനത്താവളത്തില്നിന്ന് കയറുന്നവര്ക്കും ഇത് ബാധകമാണ്. കൊണ്ടുപോകാവുന്ന പെട്ടിക്കും അളവ് നിശ്ചയിച്ചിട്ടുണ്ട്.
55 സെന്റിമീറ്റര് നീളവും (22 ഇഞ്ച്), 40 സെന്റിമീറ്റര് (16 ഇഞ്ച്) വീതിയിലും കവിയരുത് കൈയില് കൊണ്ടുപോകുന്ന ബാഗുകള്. ഈ ബാഗിന് പുറമേ ലാപ്ടോപ്, സ്ത്രീകള്ക്ക് ഹാന്ഡ് ബാഗ്, വിമാനത്തില് ഉപയോഗിക്കാനായി കമ്പിളി, ഓവര്കോട്ട്, വായിക്കാനുള്ള പുസ്തകം പത്രമാസിക എന്നിവ, പിഞ്ചുകുട്ടികള്ക്കുള്ള ഭക്ഷണം, വീല്ചെയര്, ക്രച്ചസ്, വാക്കിങ് സ്റ്റിക്ക്, മടക്കാവുന്ന കുട, ഇന്ഹേലര് ഉള്പ്പെടെയുള്ള അത്യാവശ്യമുള്ള മരുന്നുകള് എന്നിവ എട്ടുകിലോ എന്ന വ്യവസ്ഥയില്പ്പെടുന്നില്ല.
ഇപ്പോള് എയര്ഇന്ത്യ കാര്ഗോ ഇനത്തില് 30 കിലോയും എയര്ഇന്ത്യ എക്സ്പ്രസ്സ് 20 കിലോയുമാണ് ബാഗേജായി അനുവദിക്കുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
