യു.എ.ഇയിൽ ഇന്ത്യൻ എംബസിക്ക് വേണ്ടി പാസ്പോർട്ട്, വിസാ സേവനങ്ങൾ ലഭ്യമാക്കുന്ന ബി.എൽ.എസ് ഇന്‍റർനാഷനലിന്‍റെ സേവനം ഈമാസം 30 ന് അവസാനിക്കുന്നതാണ്. ജൂലൈ ഒന്നുമുതൽ അൽഹിന്ദ് ടൂർസ് ആൻഡ് ട്രാവൽസിന്‍റെ സേവനകേന്ദ്രങ്ങൾ വഴിയാണ് പാസ്പോർട്ട്, വിസ, അറ്റസ്റ്റേഷൻ സേവനങ്ങൾക്ക് അപേക്ഷിക്കേണ്ടത്.

വിവിധ എമിറേറ്റുകളിലെ അൽഹിന്ദിന്‍റെ കേന്ദ്രങ്ങൾ, സേവനനിരക്ക് തുടങ്ങിയ വിവരങ്ങൾ എംബസിയും ദുബൈയിലെ ഇന്ത്യൻ കോൺസുലേറ്റും ഔദ്യോഗികമായി പിന്നീട് അറിയിക്കുമെന്നും വ്യക്തമാക്കി എംബസി.

നിലവിലെ സേവന ദാതാക്കളായ ബി.എൽ.എസ് ഇന്‍റർനാഷനൽ സർവീസസ് ലിമിറ്റഡ്, എസ്.വി.ജി.ഐ.വി.എസ് ഗ്ലോബൽ എന്നിവർ 2026 ജൂൺ 30 വരെ അപേക്ഷകൾ കൈകാര്യം ചെയ്യുന്നത് തുടരുമെന്ന് എംബസി വ്യക്തമാക്കി.