പ്രവാസികള് ഇനിയധികം കാത്തിരിക്കേണ്ട: സ്പോണ്സര്ഷിപ്പ് നിയമ പരിഷ്കരണം 2015നകം പൂര്ത്തിയാകും
വര്ഷങ്ങളായുള്ള പ്രവാസി സമൂഹത്തിന്റെ കാത്തിരിപ്പിന് വിരാമമിട്ട് സ്പോണ്സര്ഷിപ്പ് (കഫാല) നിയമത്തിലെ പരിഷ്കരണം അവസാന ഘട്ടത്തിലേക്ക്. 2015 അവസാനിക്കുന്നതിന് മുമ്പ് പുതിയ സ്പോണ്സര്ഷിപ്പ് നിയമം പ്രാബല്യത്തില് വരുമെന്നാണ് അധികൃതര് വ്യക്തമാക്കുന്നത്.
നിയമത്തിന്റെ അന്തിമ കരട് തയാറായി വരുകയാണെന്നും പുതിയ നിയമത്തിലേക്കുള്ള ദീര്ഘകാലമായുള്ള നടപടികളില് അവസാന ചുവടുവെപ്പ് മാത്രമാണ് ബാക്കിയുള്ളതെന്നും ഗവണ്മെന്റ് കമ്മ്യൂണിക്കേഷന് ഓഫിസ് വാര്ത്താക്കുറിപ്പില് അറിയിച്ചു. മന്ത്രിസഭാ നേതൃത്വത്തിലാണ് ഇതിനുള്ള നടപടികള് സ്വീകരിച്ചുവരുന്നത്.
കഫാല തൊഴില് കരാര് സംവിധാനത്തില് വലിയതോതിലുള്ള പരിഷ്കരണങ്ങളാണ് പുതിയ നിയമത്തിലുള്ളത്. ദീര്ഘകാല നടപടികളിലെ ഒരു ചുവടു മാത്രമാണ് കഫാല നിയമ പരിഷ്കരണം. വരും മാസങ്ങളില് രാജ്യത്തെ തൊഴില് നടപടികളില് കൂടുതല് പരിഷ്കരണങ്ങള് നടപ്പാക്കും.
പ്രവാസി തൊഴിലാളികളുടെ അവകാശങ്ങളും ജീവിത തൊഴില് സാഹചര്യങ്ങളും സംബന്ധിച്ച് ആഗോളതലത്തില് പ്രവര്ത്തിക്കുന്ന എന്.ജി.ഒകളുടെയും ഓഹരിപങ്കാളികളുടെയും ഉത്കണ്ഠയും ആശങ്കകളും ഖത്തര് സര്ക്കാര് മനസിലാക്കുന്നുണ്ടെന്നും വാര്ത്താക്കുറിപ്പില് വ്യക്തമാക്കിയിട്ടുണ്ട്.
രാജ്യപുനര്നിര്മാണത്തില് പങ്കാളികളാകുകയും സഹായിക്കുകയും ചെയ്യുന്ന എല്ലാ വിദേശി പൗരന്മാരോടും ഖത്തറിന് നന്ദിയും കടപ്പാടുമുണ്ട്. അവരുടെ തൊഴില് അവകാശങ്ങളും മനുഷ്യാവകാശങ്ങളും ഉറപ്പായും സംരക്ഷിക്കപ്പെടേണ്ടതുണ്ട്. അതിനുള്ള നടപടികളാണ് സ്വീകരിക്കുന്നത്. തൊഴിലാളികളുടെ റിക്രൂട്ട്മെന്റുമായി ബന്ധപ്പെട്ട് മാതൃരാജ്യങ്ങളില് നടക്കുന്ന തട്ടിപ്പുകളും ക്രമക്കേടുകളും അവസാനിപ്പിക്കുന്നതിന് ഖത്തര് വിവിധ തലങ്ങളില് നടപടികള് എടുക്കുന്നുണ്ട്.
പല തൊഴിലാളികളും 5000 ഡോളറോ അതിനു മുകളിലുള്ള തുകയ്ക്കോ കടക്കാരനായാണ് ദോഹയില് വന്നിറങ്ങുന്നത്. ചില റിക്രൂട്ട്മെന്റ് ഏജന്സികളുടെ തട്ടിപ്പുകളാണ് ഇതിനു കാരണമാകുന്നത്. ഖത്തറിന്റെ പുനര്നിര്മാണത്തില് തൊഴിലാളികള് പങ്കാളികളാകുന്നതിലൂടെ ലഭിക്കുന്ന പ്രതിഫലം ഉപയോഗിച്ച് അവര് തങ്ങളുടെ കുടുംബത്തെയും തങ്ങളുടെ രാജ്യത്തിന്റെ സമ്പദ്ഘടനയെയുമാണ് സഹായിക്കുന്നത്.
കഴിഞ്ഞ വര്ഷം മാത്രം ഖത്തറിലെ വിദേശതൊഴിലാളികള് നാട്ടിലേക്കയച്ചത് ഏകദേശം 1400 കോടിയിലധികം ഡോളറാണ്. ഇതിലൂടെ ഇന്ത്യ, പാകിസ്താന്, നേപ്പാള്, ബംഗ്ളാദേശ്, ശ്രീലങ്ക, ഫിലിപ്പൈന്സ് ഉള്പ്പടെയുള്ള രാജ്യങ്ങളിലെ 13 ലക്ഷം കുടുംബങ്ങള്ക്കാണ് പ്രയോജനം ലഭിച്ചത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha