വിധിയറിയാന് ഇനി മണിക്കൂറുകള് മാത്രം..... യെമന് പൗരനെ വിദേശത്ത് വച്ച് കൊലപ്പെടുത്തിയ കേസില് വധശിക്ഷ കാത്തു കഴിയുന്ന മലയാളി നഴ്സ് നിമിഷപ്രിയയുടെ അപ്പീലീല് വിധി ഇന്ന്
വിധിയറിയാന് ഇനി മണിക്കൂറുകള് മാത്രം..... യെമന് പൗരനെ വിദേശത്ത് വച്ച് കൊലപ്പെടുത്തിയ കേസില് വധശിക്ഷ കാത്തു കഴിയുന്ന മലയാളി നഴ്സ് നിമിഷപ്രിയയുടെ അപ്പീലീല് വിധി ഇന്ന്.
സ്ത്രീയെന്ന പരിഗണന നല്കി വധശിക്ഷയില് ഇളവ് വേണമെന്ന അപേക്ഷ മൂന്നംഗ ബെഞ്ചാണ് പരിഗണിക്കുന്നത്. ഇന്ത്യന് സമയം ഉച്ചയ്ക്ക് 1.30 നാണ് കേസില് വിധി പറയുക. തലാല് അബ്ദു മെഹ്ദി എന്ന യെമന് പൗരനെ കൊലപ്പെടുത്തി മൃതദേഹം വെട്ടിനുറുക്കി വാട്ടര് ടാങ്കില് ഒളിപ്പിച്ചെന്നാണ് പാലക്കാട് കൊല്ലങ്കോട് സ്വദേശിനി നിമിഷയ്ക്കെതിരെയുള്ള കേസ്. 2017ലായിരുന്നു സംഭവം നടന്നത്.
നഴ്സായി ജോലിചെയ്യുന്നതിനിടെ സ്വന്തമായി ക്ലിനിക്ക് തുടങ്ങാന് സഹായിക്കാമെന്ന് ഇയാള് നിമിഷയ്ക്ക് വാഗ്ദാനം നല്കിയിരുന്നു. എന്നാല് അയാള് തന്നെ സാമ്പത്തികമായി ചതിക്കുകയായിരുന്നു എന്നാണ് നിമിഷപ്രിയ പറയുന്നത്. ക്രൂര പീഡനങ്ങള്ക്കും ഇയാള് നിമിഷയെ ഇരയാക്കിയിരുന്നു.
നിമിഷയെ വിവാഹം കഴിച്ചുവെന്ന് തെളിയിക്കാനായി വ്യാജ രേഖകളും നിര്മ്മിക്കുകയും പാസ്പോര്ട്ട് പിടിച്ചു വാങ്ങി വയ്ക്കുകയും ചെയ്തിരുന്നു. തുടര്ന്നാണ് ക്ലിനിക്കില് ജോലി ചെയ്തിരുന്ന യെമന്കാരിയായ സഹപ്രവര്ത്തക ഹനാന്റെയും മറ്റൊരു യുവാവിന്റെയും നിര്ദ്ദേശപ്രകാരം തലാലിന് അമിത ഡോസ് മരുന്ന് കുത്തിവച്ച് നിമിഷ പ്രിയ കൊലപ്പെടുത്തിയത്.
പാലക്കാട് സ്വദേശിയായ നിമിഷപ്രിയയെ യെമനിലെ കീഴ്ക്കോടതിയാണ് വധശിക്ഷയ്ക്ക് വിധിച്ചത്. നിമിഷയുടെ സഹപ്രവര്ത്തക ഹനാനും കേസില് വിചാരണ നേരിടുകയാണ്.
ഹനാനും കൂടി ചേര്ന്നാണ് വെട്ടിനുറുക്കിയ മൃതദേഹം വാട്ടര്ടാങ്കില് ഒളിപ്പിച്ചതെന്നാണ് കേസ്. പാലക്കാട് ഭര്ത്താവും മകളും നിമിഷപ്രിയയുടെ ശിക്ഷയില് ഇളവ് ലഭിക്കുമെന്ന പ്രതീക്ഷയിലും പ്രാര്ത്ഥനയിലുമാണ് .
"
https://www.facebook.com/Malayalivartha
