ഇത്തിഹാദ് റെയിലിന്റെ അബൂദബിയെയും ദുബൈയെയും ബന്ധിപ്പിക്കുന്ന റെയില്വേ ശൃംഖല... മണിക്കൂറില് 200 കി.മീ വേഗത്തില് സഞ്ചരിക്കുന്ന ട്രെയിനില് 400 പേര്ക്കാണ് സഞ്ചരിക്കാന് കഴിയുക
ഇത്തിഹാദ് റെയിലിന്റെ അബൂദബിയെയും ദുബൈയെയും ബന്ധിപ്പിക്കുന്ന റെയില്വേ ശൃംഖലയുടെ നിര്മാണം പൂര്ത്തിയായി. ദുബൈ ഉപ ഭരണാധികാരിയും ഉപപ്രധാനമന്ത്രിയും ധനകാര്യമന്ത്രിയുമായ ശൈഖ് മഖ്തൂം ബിന് മുഹമ്മദും അബൂദബി കിരീടാവകാശിയുടെ കോടതി ചെയര്മാനും ഇത്തിഹാദ് റെയില് ചെയര്മാനുമായ ശൈഖ് ത്വയ്യിബ് ബിന് മുഹമ്മദും സംയുക്തമായാണ് പദ്ധതി പൂര്ത്തീകരണ പ്രഖ്യാപനം നടത്തിയത്.
ദേശീയ റെയില് ശൃംഖലയുടെ സുപ്രധാനഘട്ടമാണ് ഇതിലൂടെ പൂര്ത്തിയായതെന്ന് ശൈഖ് മഖ്തൂം പ്രതികരിച്ചു. യു.എ.ഇയുടെ സുസ്ഥിര വികസനത്തെ പിന്തുണക്കുന്നതിന് ഏറെ സംഭാവനകള് നല്കുന്നതാണ് ഇതെന്ന് ശൈഖ് ത്വയ്യിബും കൂട്ടിച്ചേര്ത്തു.
മണിക്കൂറില് 200 കി.മീ വേഗത്തില് സഞ്ചരിക്കുന്ന ട്രെയിനില് 400 പേര്ക്കാണ് സഞ്ചരിക്കാന് കഴിയുക. അല് സിലയില് നിന്ന് ഫുജൈറ വരെ നീളുന്ന റെയില് ശൃംഖല പൂര്ത്തിയാവുന്നതോടെ യു.എ.ഇയുടെ 11 നഗരങ്ങളെയാണ് ഇതു ബന്ധിപ്പിക്കുക. പദ്ധതി നിര്മാണം ഉടന് പൂര്ത്തിയാക്കാനും 2030 ഓടെ പ്രതിവര്ഷം മൂന്നരക്കോടി ആളുകള്ക്ക് സഞ്ചാര അവസരം നല്കാനുമാണ് അധികൃതരുടെ തീരുമാനം.
256 കിലോമീറ്ററാണ് പാതയുടെ ദൈര്ഘ്യം. 29 പാലങ്ങളും 60 ക്രോസിങ്ങുകളും 137 മലിനജല സംവിധാനങ്ങളും പാതയില് ഒരുക്കിയിട്ടുണ്ട്. 13,300 തൊഴിലാളികള് 47 ദശലക്ഷം മണിക്കൂറുകള് ജോലി ചെയ്താണ് റെയില്വേ ശൃംഖല പൂര്ത്തിയാക്കിയതെന്ന് അബൂദബി മീഡിയ ഓഫിസ് അറിയിച്ചു.
റെയില് ശൃംഖലയുടെ സുപ്രധാനഭാഗമാണ് ഈ പാത. എമിറേറ്റുകള് തമ്മിലും രാജ്യത്തുടനീളവുമായി യാത്രികരെയും ചരക്കുഗതാഗതവും സാധ്യമാക്കുന്നതാണ് ഇത്തിഹാദ് റെയിലില്. നിര്മാണം പൂര്ത്തിയായ അബൂദബി-ദുബൈ റെയില്പാതയിലൂടെ എന്നാണ് സര്വിസ് തുടങ്ങുകയെന്ന കാര്യം തീരുമാനമായില്ല.
"
https://www.facebook.com/Malayalivartha
