വലിയ മാറ്റമാണ് സൗദി അറേബ്യയില്‍ ഉണ്ടായിരിക്കുന്നത്. വനിതകള്‍ക്കും അതിര്‍ത്തി സുരക്ഷാ ഉദ്യോഗസ്ഥരാകാന്‍ അപേക്ഷ ക്ഷണിച്ച് സൗദി അറേബ്യ. സ്വകാര്യ റാങ്കുകളിലുളള അതിര്‍ത്തി സുരക്ഷാ സേനകളില്‍ ചേരനാണ് ക്ഷണിച്ചിരിക്കുന്നത്.

ഇതിനായി പ്രവേശനവും രജിസ്‌ട്രേഷനും ആരംഭിച്ചതായി സൗദി ഭരണകൂടം അറിയിച്ചു. അപേക്ഷകള്‍ മാര്‍ച്ച് 26 ശനിയാഴ്ച രാവിലെ 10 മണി മുതല്‍ മാര്‍ച്ച് 31 വ്യാഴാഴ്ച രാവിലെ 10 മണി വരെ അബ്ഷര്‍ പോര്‍ട്ടലിലെ ജോബ്‌സ് സെക്ഷന്‍ വഴി സ്വീകരിക്കും. രാജ്യത്ത് പൊതുമേഖലകളില്‍ സ്ത്രീ പങ്കാളിത്തം വര്‍ധിപ്പിക്കാനുളള തീരുമാനത്തിന്റെ ഭാഗമായാണ് തീരുമാനം. കഴിഞ്ഞ അഞ്ച് വര്‍ഷത്തിനിടെ സൗദിയിലെ തൊഴില്‍ മേഖലയില്‍ സത്രീ പങ്കാളിത്തം 33 ശതമാനമായി വര്‍ധിച്ചിട്ടുണ്ട്.

ബുളളറ്റ് ട്രെയിന്‍ ഓടിക്കുന്നതിനായി സ്ത്രീകള്‍ക്കിടയില്‍ നിന്ന് ഫെബ്രുവരിയില്‍ സൗദി അറേബ്യ അപേക്ഷ ക്ഷണിച്ചിരുന്നു. 28,000 അപേക്ഷകളാണ് അന്ന് ലഭിച്ചത്. എന്നാല്‍ ഓണ്‍ലൈന്‍ പരീക്ഷയില്‍ ഇവരില്‍ പകുതിയോളം ആളുകള്‍ പുറത്തായതായി സ്പാനിഷ് റെയില്‍വെ ഓപ്പറേറ്റര്‍ റെന്‍ഫ പറഞ്ഞു. ഒരു വര്‍ഷത്തെ ശമ്ബളത്തോട് കൂടിയ പരിശീലനത്തിന് ശേഷം മക്കയ്ക്കും മദീനയ്ക്കും ഇടയില്‍ ബുള്ളറ്റ് ട്രെയിനുകള്‍ ഓടിച്ചു തുടങ്ങുക. 80 പുരുഷന്മാരെയും െ്രെഡവര്‍മാരായി നിയമിക്കും.

സൗദിയില്‍ ഇതുവരെ ആരോഗ്യമേഖലയിലും അധ്യാപക രംഗത്തുമാണ് സ്ത്രീകളെ ഉള്‍പ്പെടുത്തിയിരുന്നത്. 2018ല്‍ സ്ത്രീകള്‍ക്ക് വാഹനമോടിക്കാന്‍ അവസരം നല്‍കിയിരുന്നു. അന്ന് മുതല്‍ സ്ത്രീ ശാക്തീകരണത്തിനായി നിരവധി അവസരങ്ങളാണ് സൗദി അറേബ്യ തുറന്നു നല്‍കിയിരിക്കുന്നത്.