കരഞ്ഞു കൊണ്ട് 'ബേബി'യെ രക്ഷിക്കണമെന്ന് ഫോണ് വിളി... കേട്ടപാടെ ആംബുലന്സില് പാഞ്ഞെത്തി ആരോഗ്യപ്രവര്ത്തകര്, വീട്ടിലെത്തിയപ്പോള് ഗര്ഭിണിയെ കണ്ട് ഞെട്ടലോടെ ജീവനക്കാര്
കരഞ്ഞു കൊണ്ട് 'ബേബി'യെ രക്ഷിക്കണമെന്ന് ഫോണ് വിളി... കേട്ടപാടെ ആംബുലന്സില് പാഞ്ഞെത്തി ആരോഗ്യപ്രവര്ത്തകര്, വീട്ടിലെത്തിയപ്പോള് ഗര്ഭിണിയെ കണ്ട് ഞെട്ടലോടെ ജീവനക്കാര്.
ഷാര്ജയിലെ യുഎഇ നാഷണല് ആംബുലന്സ് കമ്മ്യൂണിക്കേഷന്സ് സെന്ററിലേക്ക് ഒരു ഫോണ് വിളി വന്നു. അടിയന്തര ആവശ്യങ്ങള് കൈകാര്യം ചെയ്യാനായി പരീശീലനം ലഭിച്ച ഉദ്യോഗസ്ഥര് കാര്യങ്ങള് അന്വേഷിച്ചപ്പോള് വിളിച്ചയാളിന് ഇംഗ്ലീഷ് അത്ര പറയാന് അറിയില്ലെന്ന് മനസിലായി.
എന്നാലും അറിയാവുന്ന പോലെ 'ടോം ആന്റ് ജെറിയെന്നും' 'ബേബി' എന്നുമൊക്കെ ഇയാള് പറയുന്നത് കേട്ട് എന്താണ് സംഭവമെന്ന് അറിയാതെ ഉദ്യോഗസ്ഥര് അ്ന്തംവിട്ടു നിന്നു. എന്നാല് ഒരുപാട് തവണ 'ബേബി' എന്ന വാക്ക് ഒരുപാട് തവണ ആവര്ത്തിച്ചതോടെ, വിളിച്ചയാളുടെ ഭാര്യ പ്രസവിച്ചിട്ടുണ്ടാകുമെന്നും കുഞ്ഞിന്റെ ജീവന് രക്ഷിക്കാന് സഹായം തേടുകയാണെന്നും ധരിച്ച് ആംബുലന്സ് സംഘം സ്ഥലത്തേക്ക് പാഞ്ഞെത്തി.
പക്ഷേ രോഗിയെ കണ്ടപ്പോള് ആംബുലന്സ് സംഘം ആദ്യമൊന്ന് ഞെട്ടി. വീട്ടിലെ വളര്ത്ത് പൂച്ച പ്രസവിച്ചപ്പോള് സഹായം തേടിയാണ് ഇന്ത്യക്കാരന് ആംബുലന്സ് വിളിച്ചതെന്ന് അപ്പോഴാണ് അധികൃതര്ക്ക് മനസ്സിലായത്.
ജീവന് അപകടത്തിലാവുന്ന സാഹചര്യങ്ങളില് മിനിറ്റുകള്ക്കകം സംഭവ സ്ഥലത്തെത്തി അടിയന്തര വൈദ്യ സഹായം നല്കാനും വിദഗ്ധ ചികിത്സ ലഭ്യമാക്കാനുമാണ് ആംബുലന്സ് സേവനം സജ്ജമാക്കിയിട്ടുള്ളത്. അപകടത്തില്പെടുന്ന മറ്റൊരു ജീവനെ രക്ഷിക്കാനുള്ള സമയമാണ് ഇങ്ങനെ നഷ്ടമാകുന്നത്.
എന്തായാലും അടിയന്തര സഹായത്തിനുള്ള ഫോണ് നമ്പറുകള് ദുരുപയോഗം ചെയ്യരുതെന്ന് ഷാര്ജ അധികൃതര് പൊതുജനങ്ങളോട് വീണ്ടും അഭ്യര്ത്ഥിച്ചു
"
https://www.facebook.com/Malayalivartha
