ജര്‍മന്‍ പോസ്‌റ്റേജ് നിരക്കുകള്‍ 2016 ജനുവരി 01 മുതല്‍ വര്‍ദ്ധിപ്പിക്കുന്നു. ഇതനുസരിച്ച് സാധാരണ 20 ഗ്രാം തൂക്കമുള്ള സ്റ്റാന്‍ഡാര്‍ഡ് ഇന്‍ലാന്‍ഡ്‌യൂറോപ്യന്‍ യൂണിയന്‍ കത്തുകള്‍ക്ക് ഇപ്പോഴത്തെ നിരക്കായ 0.62 സെന്റ് 0.70 സെന്റ് ആയി ഉയര്‍ത്തും. ഉയര്‍ത്തിയ മറ്റ് നിരക്കുകള്‍ ഇപ്രകാരമാണ്: 50 ഗ്രാം വരെയുള്ള മാക്‌സി കത്തുകള്‍ യൂറോ 2,40 ല്‍ നിന്ന് 2,60; രജിസ്‌ട്രേഷന്‍ ഫീസ് 2,15 ല്‍ നിന്ന് 2,50; 20 ഗ്രാം ഇന്റര്‍നാഷണല്‍ കത്തുകള്‍ക്ക് 0,90 എന്നിവയാണ്. ഇത് ജര്‍മന്‍ പോസ്റ്റ് ഇതുവരെ നടത്തിയിട്ടുള്ളതില്‍ ഏറ്റവും വലിയ നിരക്ക് വര്‍ദ്ധനവാണ്. അതായത് ഒറ്റയടിക്ക് 0.13 സെന്റ് വര്‍ദ്ധനവാണിത് ഇന്‍ലാന്‍ഡ് സ്റ്റാന്‍ഡാര്‍ഡ് കത്തുകള്‍ക്ക് വരുത്തുന്നത്. 

ജര്‍മന്‍ റഗുലേറ്ററി അതോറിറ്റിയുടെ അംഗീകാരം ഈ പോസ്‌റ്റേജ് വര്‍ദ്ധനവിന് ലഭിച്ചു. നാണയപ്പെരുപ്പം, വേതന വര്‍ദ്ധനവ്, പൈവറ്റ് പോസ്റ്റല്‍ കമ്പനികളില്‍ നിന്നുമുള്ള മത്സരം, ഇന്റര്‍ നെറ്റ്, ഇമെയില്‍ മുഖാന്തരം വന്ന ബിസിനസ് കുറവ് എന്നിവ പരിഗണിച്ചാണ് ജര്‍മന്‍ റഗുലേറ്ററി അതോറിറ്റി ഈ വര്‍ദ്ധനവ് അനുവദിച്ചത്. ജനുവരി 01, 2016 മുതല്‍ വര്‍ദ്ധിപ്പിക്കുന്ന നിരക്കനുസരിച്ച് ജര്‍മന്‍ പോസ്റ്റിന് ഏതാണ്ട് 1600 മില്യാര്‍ഡന്‍ യൂറോയുടെ വര്‍ദ്ധനവ് പ്രതീക്ഷിക്കുന്നു. ജര്‍മന്‍ പോസ്റ്റിന്റെ ഈ സ്റ്റാന്‍ഡാര്‍ഡ് കത്തുകളുടെ വര്‍ദ്ധനവ് ജര്‍മനിയിലെ സാധാരണക്കാരെയും, പ്രവാസികളെയുമാണ് കൂടുതല്‍ ബാധിക്കും. ലോകത്തിന്റെ വിവിധ ഭാഗങ്ങളില്‍ നിന്നും ജര്‍മനിയില്‍ താമസിക്കുന്ന പ്രവാസികള്‍ പോസ്റ്റിന്റെ വരുമാനത്തില്‍ 28 ശതമാനം പങ്കുവഹിക്കുന്നു എന്നാണ് അനൗദ്യോഗിക കണക്കുകള്‍.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha