കരൾരോഗം മൂർച്ഛിച്ച് ചികിത്സയിലായിരുന്ന മലപ്പുറം സ്വദേശി, ജിസാൻ ബെയിഷ് ജനറൽ ആശുപത്രിയിൽ മരിച്ചു. മലപ്പുറം പറപ്പൂർ ചീനിപ്പടി ഇരിങ്ങല്ലൂർ പുളിക്കൽ വീട്ടിൽ അറുമുഖന്റെയും തങ്കയുടെയും മകൻ ബൈജു പുളിക്കലാണ് (41) മരിച്ചത്. കരൾരോഗ ബാധിതനായിരുന്ന ബൈജു കഴിഞ്ഞയാഴ്ച്ച ജിസാനിലെ സ്വകാര്യ ആശുപത്രിയിൽ ചികിത്സതേടിയിട്ടുണ്ടായിരുന്നു.

വ്യാഴാഴ്ച വൈകുന്നേരം നാലു മണിയോടെ ആരോഗ്യനില വഷളാവുകയും മരണമടയുകയുമായിരുന്നു. ജിസാൻ ബെയിഷിൽ ഫോർ സീസൺ മെയിൻറെനൻസ് കമ്പനിയിലെ ജീവനക്കാരനായിരുന്നു.

15 വർഷമായി ജിസാൻ ബെയിഷിൽ ജോലിചെയ്‌തുവരുകയായിരുന്നു. ഭാര്യ: രഞ്ജിക. മകൻ: അനഞ്ജയ് (വിദ്യാർഥി).