മംഗലാട് സ്വദേശി ദുബൈയില് നിര്യാതനായി.... നാട്ടിലേക്ക് മടങ്ങാനുള്ള തയ്യാറെടുപ്പിലായിരുന്നു അഫ്നാസും കുടുംബവും
28 JULY 2024 11:24 AM IST
മലയാളി വാര്ത്ത
മംഗലാട് സ്വദേശി ദുബൈയില് നിര്യാതനായി. സന്ദര്ശനാര്ഥം ദുബൈയിലെത്തിയ വടകര മംഗലാട് സ്വദേശി പരേതനായ തേറത്ത് കുഞ്ഞബ്ദുല്ലയുടെയും സഫിയയുടെയും മകന് അഫ്നാസാണ് (39) ശനിയാഴ്ച വൈകീട്ട് ദുബൈയിലെ താമസസ്ഥലത്ത് മരിച്ചത്. ഹൃദയാഘാതമാണ് മരണകാരണമെന്ന് സംശയിക്കുന്നു.
ശനിയാഴ്ച രാത്രിയിലുള്ള വിമാനത്തില് നാട്ടിലേക്ക് മടങ്ങാനുള്ള തയാറെടുപ്പിലായിരുന്നു അഫ്നാസും കുടുംബവും. ഭാര്യ പേരാമ്പ്രയിലെ നേരമ്പാട്ടില് ഇമ്പിച്ചി ആലിഹാജിയുടെ മകള് അശിദത്ത്. മക്കള്: ഹയിറ, ഹൈറിക്ക്. സഹോദരി: തസ്നിമ. നടപടിക്രമങ്ങള് പൂര്ത്തിയാക്കി മൃതദേഹം നാട്ടിലെത്തിക്കും.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
