ഈസ്റ്റ് ഒറ്റപ്പാലം കൊക്കിരിപ്പാറ നിസാമുദ്ദീന്‍(47)യു.എ.ഇയില്‍ അന്തരിച്ചു. ശനിയാഴ്ച രാത്രി 11.30-ഓടെ താമസിക്കുന്ന മുറിയില്‍ വെച്ച് ഹൃദായാഘാതമുണ്ടായ നിസാമിനെ ഉടന്‍ തന്നെ അടുത്തുള്ള ആശുപത്രിയില്‍ എത്തിച്ചെങ്കിലും രക്ഷിക്കാന്‍ കഴിഞ്ഞില്ല.

വര്‍ഷങ്ങളായി യു.എ.ഇയില്‍ ബിസിനസ് നടത്തി വരികയാണ്. പിതാവ്: മുഹമ്മദ്. മാതാവ്: ആസിയ. ഭാര്യ: സീനത്ത് മകന്‍: മുഫ് ലഹ്. മൃതദേഹം നാട്ടിലേക്ക് കൊണ്ട് വരും.


അതേസമയം മറ്റൊരു സംഭവത്തില്‍ സൗദിയില്‍ പോയ കൊല്ലം സ്വദേശിയായ യുവാവ് പതിനാറു വര്‍ഷമായി നാട്ടില്‍ പോയിട്ടില്ല, നാടണയാന്‍ അധികൃതരുടെ കനിവ് കാത്തിരിക്കുമ്പോള്‍ രോഗബാധിതനാകുകയും പിന്നീട് നീണ്ടകാലം ആശുപത്രിയില്‍. ഒടുവില്‍ മരണം. കൊല്ലം കണ്ണനല്ലൂര്‍ പുത്തുവിളവീട്ടില്‍ മുജീബിന്റെ (44) മൃതദേഹം ഒടുവില്‍ സൗദി മണ്ണില്‍ തന്നെ അടങ്ങി.

പരേതനായ നസീമുദ്ദീന്റെയും മുത്ത് ബീവിയുടെയും മകനാണ്. കടുത്ത മഞ്ഞപിത്തം ബാധിച്ച് ബുറൈദ സെന്‍ട്രല്‍ ആശുപത്രിയില്‍ ചികിത്സയിലിരിക്കെയായിരുന്നു മരണം സംഭവിച്ചത്.

16 വര്‍ഷമായി നാട്ടില്‍ പോയിട്ടില്ലാത്ത മുജീബ് ഏഴ് വര്‍ഷമായി റെസിഡന്റ് പെര്‍മിറ്റിന്റെ (ഇഖാമ) കാലാവധി കഴിഞ്ഞ് കഴിയുകയായിരുന്നു. ലേബര്‍ ഓഫീസ് വഴി ലഭിക്കുന്ന എക്സിറ്റിനുവേണ്ടി കാത്തിരിക്കുകയായിരുന്നു.