ട്രംപിനെതിരെ പ്രതിഷേധവുമായി ഡെമോക്രാറ്റുകള്
ട്രംപിനെതിരെ യു.എസില് പ്രതിഷേധം ശക്തമാകുന്നു. യു.എസ് ജനതയില്നിന്നു മാത്രമല്ല, സാമാജികര്ക്കിടയില്നിന്നും പ്രതിഷേധം ഉയരുന്നു. രാജ്യത്തേക്ക് കടന്നുവരുന്ന ജനങ്ങള്ക്ക് നേര്ക്കുളള വിവേചന ഉത്തരവിനെതിരെ രണ്ട് നിര്ണായക ബില്ലുകള് യു.എസ് സെനറ്റില് കൊണ്ടുവരുമെന്ന് മുതിര്ന്ന ഡെമോക്രാറ്റിക് അംഗവും സെനറ്റ് ജുഡീഷ്യറി കമ്മിറ്റിയുടെ പ്രധാന അംഗം കൂടിയായ ദിയന്നെ ഫെന്സ്റ്റീന് അറിയിച്ചു. ഫെന്സ്റ്റീന് ആദ്യബില് അവതരിപ്പിക്കുന്നത് ഉത്തരവ് അസാധുവാക്കുന്നതിനുവേണ്ടിയായിരിക്കും. ഇമിഗ്രേഷന് ആന്ഡ് നാഷനാലിറ്റി ആക്ടില് ഭേദഗതി ആവശ്യപ്പെടുന്നതാണ് രണ്ടാമത്തെ ബില്. ഇത്തരത്തില് ഒരു നീക്കം നടത്തുന്നതിന്റെ 30 ദിവസം മുമ്പ് കോണ്ഗ്രസ് അംഗങ്ങള്ക്ക് നോട്ടീസ് നല്കണം. നടപടിക്കു പിന്നിലെ യുക്തി, അതുളവാക്കുന്ന സാമൂഹികവും സാമ്പത്തികവും ജനസംഖ്യാപരവുമായ ഫലം തുടങ്ങിയവ വിശകലനം ചെയ്യാന് വേണ്ടിയാണിത്. അഭയാര്ഥികളുടെ വിഭാഗീകരണത്തില് അംഗങ്ങളുടെ ചോദ്യത്തിന് മറുപടി പറയാന് പ്രസിഡന്റ് ബാധ്യസ്ഥനായിരിക്കും. പ്രസിഡന്റിന്റെ ഉത്തരവ് ഉടന് റദ്ദാക്കണമെന്നും അല്ലാത്തപക്ഷം ദൂരവ്യാപക പ്രത്യാഘാതങ്ങളായിരിക്കും ഉണ്ടാക്കകയെന്നും ഫെന്സ്റ്റീന് പ്രതികരിച്ചു. പ്രസിഡന്റിന്റെ നടപടി ഭരണഘടനാനുസൃതമല്ലെന്നും അധാര്മികവുമാണെന്നും അവര് കൂട്ടിച്ചേര്ത്തു.
https://www.facebook.com/Malayalivartha
