എയര് ഇന്ത്യയുടെ ഡ്രീംലൈനര് വിമാന സര്വീസ് ഫെബ്രുവരി ഒന്നുമുതല്
ഫെബ്രുവരി ഒന്നുമുതല് ദുബായില് നിന്ന് കൊച്ചിയിലേക്കുളള എയര് ഇന്ത്യയുടെ രണ്ടാമത്തെ ഡ്രീംലൈനര് വിമാന സര്വീസ് ആരംഭിക്കുന്നതോടെ കൂടുതല് യാത്രക്കാരെ ഉള്ക്കൊളളാന് എയര് ഇന്ത്യക്ക് സാധിക്കും. ബോയിങ്ങ് 787800 ഡ്രീം ലൈനറാണ് സര്വീസിന് ഉപയോഗിക്കുന്നത്. 2012-മുതല് ദുബായ് ഡല്ഹി സെക്ടറില് എയര് ഇന്ത്യ ഡ്രീം ലൈനര് സര്വീസ് നടത്തുന്നുണ്ട്. നിലവില് എയര് ഇന്ത്യക്ക് 22 ഡ്രീം ലൈനര് വിമാനങ്ങള് സ്വന്തമായുണ്ട്. ഇതില് ഭൂരിഭാഗവും യൂറോപ്യന് സെക്ടറുകളിലാണ് സര്വീസ് നടത്തുന്നത്. കൂടുതല് ഇന്ധന ക്ഷമതയും കുറഞ്ഞ കാര്ബണ് ബഹിര്ഗമനവുമുള്ള വിമാനമാണ് ഡ്രീം ലൈനര്. 18 ബിസിനസ് ക്ളാസ് ഫ്ളാറ്റ്ബെഡ് സീറ്റുകളും 238 ഇക്കണോമി ക്ളാസ് സീറ്റുകളുമാണ് വിമാനത്തിലുണ്ടാവുക. വിമാനത്തിലെ 60 ശതമാനം വിന്ഡോകളും മറ്റു വിമാനങ്ങളെ അപേക്ഷിച്ച് വലുതായതിനാല് തന്നെ പുറം കാഴ്ച മനോഹരമാക്കും. പ്രകാശ സജ്ജീകരണങ്ങളും യാത്രക്കാര്ക്ക് കൂടുതല് സൗകര്യം നല്കും. 240335 യാത്രക്കാരെ ഉള്ക്കൊള്ളാന് ശേഷിയുള്ള ഡ്രീം ലൈനറിന് 15,000 കിലോമീറ്റര് നിര്ത്താതെ പറക്കാനുള്ള ശേഷിയുണ്ട്.എയര് ഇന്ത്യയുടെ എഐ 934 വിമാനം ഉച്ചക്ക് 1.30ന് പുറപ്പെട്ട് വൈകീട്ട് 6.50ന് കൊച്ചി അന്താരാഷ്ട്ര വിമാനത്താവളത്തിലത്തുെം. മടക്ക വിമാനം എഐ 933 കൊച്ചിയില് നിന്ന് രാവിലെ 9.15ന് പറന്നുയര്ന്ന് ഉച്ചക്ക് 12ന് ദുബായിലത്തുെം. പുതിയ സര്വീസ് ആരംഭിക്കുന്നതിന്റെ ഭാഗമായി ഇക്കണോമി ക്ളാസില് 40 കിലോയും ബിസിനസ് ക്ളാസില് 50 കിലോയും ബാഗേജ് അനുവദിക്കുമെന്ന് എയര് ഇന്ത്യാ മിഡില് ഈസ്റ്റ് റീജിണല് മാനേജര് മെല്വിന് ഡി സില്വ അറിയിച്ചു.
https://www.facebook.com/Malayalivartha