ഇന്ത്യയില് നിന്നുള്ള വീട്ടുജോലിക്കാരികളുടെ പ്രായപരിധി 25 - 50 വയസുവരെ; സൗദി തൊഴില് മന്ത്രാലയം
ഇന്ത്യയില് നിന്നുള്ള വീട്ടുജോലിക്കാരികളുടെ പ്രായപരിധി 25 മുതല് 50 വയസുവരെ ആയിരിക്കുമെന്ന് സൗദി തൊഴില് മന്ത്രാലയ അണ്ടര് സെക്രട്ടറി അഹമ്മദ് അല് ഫുഹൈദ് അറിയിച്ചു. 25 വയസ്സുള്ള വനിത വീട്ടുവേലക്കായി സൗദിയിലേക്ക് വരാന് ഒരുങ്ങുകയാണെങ്കില് ഇന്ത്യാ സര്ക്കാര് അവര്ക്ക് അനുമതി നല്കുമെന്നു അദ്ദേഹം പറഞ്ഞു. ഇന്ത്യയിലെ എല്ലാ സംസ്ഥാനങ്ങളിലും ജോലിക്കാരികള്ക്ക് പരിശീലന കേന്ദ്രങ്ങള്തുടങ്ങുമെന്നും അദ്ദേഹം അറിയിച്ചു.
സൗദിയിലെ റിക്രൂട്ടിംഗ് കമ്പനികളും ഓഫീസുകളും ഇന്ത്യയില് ഓഫീസ് തുറക്കും. 1200 റിയാലായിരിക്കും പരാമാവധി ഇന്ത്യന് വീട്ടു വേലക്കാരികളുടെ വേതനമെന്ന് സൗദി ദേശീയ റിക്രൂട്ടിംഗ് സമിതി തലവന് സഅദ് അല് ബദ്ദാഹ് പറഞ്ഞു. അടുത്തിടെ നടന്ന ഇന്ത്യാ- സൗദി ഉദ്യോഗസ്ഥ തല ചര്ച്ച ഗാര്ഹിക തൊഴില് കാരാറിന്റെ ഭാഗമായി ഏകീകൃത തൊഴില് കരാര് ഉണ്ടാക്കുന്നതിന് വേണ്ടിയായിരുന്നുവെന്ന് അഹമ്മദ് അല് ഫുഹൈദ് അറിയിച്ചു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha