വിസ തട്ടിപ്പില്പ്പെട്ട മലയാളികള് നാട്ടിലേക്ക് തിരിച്ചു
വിസ തട്ടിപ്പില്പ്പെട്ട മലയാളികള് ഒമാനില് നിന്ന് നാട്ടിലേക്ക് തിരിച്ചു. മൂന്നുമാസം മുന്പ് ഒമാനിലെത്തിയ സംഘം ഇന്ത്യന് എംബസിയുടെ സഹായത്തോടെ ശനിയാഴ്ച നാട്ടിലേക്ക് തിരിച്ചു. തിരുവനന്തപുരം കല്ലറ സ്വദേശികളായ നിഥീഷ് നാഥ്, രതീഷ്, വെമ്പായം സ്വദേശി അജയന്, കൊല്ലം അയൂര് സ്വദേശി സുരേഷ് എന്നിവരാണ് ശനിയാഴ്ച രാത്രി തിരുവനന്തപുരത്തേക്ക് പുറപ്പെട്ടത്.
വിമാനത്താവളത്തില് വിസ അടിച്ച് സ്പോണ്സറുടെ കീഴില് ജോലി ചെയ്യാനെത്തിയപ്പോഴാണ് വഞ്ചിക്കപ്പെട്ടതറിഞ്ഞത്. പി ഡി ഒയില് ജോലിചെയ്യാനെത്തിയവര്ക്ക് ഏജന്റ് നല്കിയിരുന്നത് മേസന് വിസയായിരുന്നു. ജോലിചെയ്യാന് അറിയില്ലന്നറിഞ്ഞ ഇവരെ ജോലിക്കുവരുന്നത് വിലക്കിയിരുന്നു. എന്നാല് ഇവര്ക്ക് സ്പോണ്സര് തന്നെയാണ് താമസവും ഭക്ഷണവും നല്കിയിരുന്നത്. സ്പോണ്സര് തന്നെയാണ് ഇവരെ നാട്ടിലേക്കയക്കാന് എംബസിയുമായി ചേര്ന്ന് സഹായം ചെയ്തുകൊടുത്തത്. ഇബ്രായിലെ ഒരു സ്ഥാപനത്തില് ജോലി ചെയ്യുന്ന ഒരു സ്ത്രീക്കും വിസ തട്ടിപ്പില് പങ്കുള്ളതായി റിപ്പോര്ട്ടുണ്ട്.
https://www.facebook.com/Malayalivartha
