ജര്‍മനിയില്‍ വിദേശികളുടെ എണ്ണത്തില്‍ റിക്കാര്‍ഡ് വര്‍ദ്ധന
വീസ്ബാഡന്‍ (ജര്‍മനി): ജര്‍മനിയില്‍ താമസിക്കുന്ന വിദേശികളുടെ എണ്ണത്തില്‍ 1967 ന് ശേഷം റിക്കാര്‍ഡ് വര്‍ദ്ധനവ് ഉണ്ടായതായി വീസ്ബാഡനിലെ ജര്‍മന്‍ സ്റ്റാറ്റിക്‌സ് ബ്യൂറോ വെളിപ്പെടുത്തി. പോയ വര്‍ഷം 2013 ലെ കണക്കനുസരിച്ച് ജര്‍മനിക്ക് വെളിയില്‍ നിന്നുള്ള രാജ്യങ്ങളില്‍ നിന്നും വന്ന ജര്‍മന്‍ പൗരത്വമില്ലാത്ത 7.6 മില്യണ്‍ ആളുകള്‍ ഇപ്പോള്‍ ഇവിടെ താമസക്കാരായി രജിസ്റ്റര്‍ ചെയ്തിരിക്കുന്നു. എന്നാല്‍ കഴിഞ്ഞ വര്‍ഷങ്ങളില്‍ ഏറ്റവും കൂടുതല്‍ കുടിയേറ്റക്കാര്‍ എത്തിയത് പോളണ്ട്, ഹംഗറി, റുമേനിയ, ബള്‍ഗേറിയ എന്നീ രാജ്യങ്ങളില്‍ നിന്നാണ്.
പഴയ കിഴക്കന്‍ യൂറോപ്യന്‍ സോഷ്യലിസ്റ്റ് രാജ്യങ്ങള്‍ യൂറോപ്യന്‍ യൂണിയന്‍ അംഗമായതോടെ താരതമ്യേന സാമ്പത്തികമായി ഉയര്‍ന്ന നിലവാരമുള്ള ജര്‍മനിയിലേക്ക് കൂടുതലായി കുടിയേറിതായി സ്റ്റാറ്റിക്‌സ് ബ}റോ കണ്ടെത്തി. സിറിയ, റഷ്യ എന്നീ രാജ്യങ്ങളില്‍ നിന്നും ചെറിയ തോതില്‍ കുടിയേറ്റം നടന്നു. എന്നാല്‍ ടര്‍ക്കിയില്‍ നിന്നുമുള്ള കുടിയേറ്റക്കാരില്‍ 1.6 ശതാമനം കുറവുണ്ടായി. ജര്‍മനിയിലെ ബവേറിയ, നോര്‍ഡറൈന്‍ വെസ്റ്റ്ഫാളന്‍ , ബെര്‍ലിന്‍ എന്നീ സംസ്ഥാനങ്ങളിലേക്കാണ് കുടിയേറ്റക്കാരില്‍ ഭൂരിഭാഗവും താമസിക്കുന്നത്.
വാര്‍ത്ത അയച്ചത്: ജോര്‍ജ് ജോണ്
https://www.facebook.com/Malayalivartha
