യുകെയിലെ ഏറ്റവും ശ്രദ്ധേയമായ വിവാഹമോചന പോരാട്ടങ്ങളിലൊന്നിൽ ഇന്ത്യൻ വംശജയായ വർഷ ഗോഹിലിന് അനുകൂലമായി ചരിത്രവിധി. 23 വർഷം നീണ്ടുനിന്ന കടുത്ത നിയമപോരാട്ടത്തിനൊടുവിലാണ് മുൻ ഭർത്താവ് ഭദ്രേഷ് ഗോഹിലിൽ നിന്ന് വർഷയ്ക്ക് 6.6 മില്യൺ പൗണ്ട്, അതായത് ഏകദേശം 85 കോടി രൂപ ലഭിക്കുന്നത്.2002-ൽ ആരംഭിച്ച കേസിൽ ഭർത്താവ് കോടിക്കണക്കിന് രൂപയുടെ സ്വത്തുവിവരങ്ങൾ ഒളിപ്പുവെച്ചതായി യുകെ സുപ്രീം കോടതി കണ്ടെത്തുകയായിരുന്നു. തുടർന്ന് നടന്ന വിശദമായ അന്വേഷണത്തിലാണ് ഭദ്രേഷിന്റെ വഞ്ചന പുറത്തായതും കോടതി വർഷയ്ക്ക് അനുകൂലമായി വിധി പ്രസ്താവിച്ചതും.