ഭര്ത്താവ് അബോധാവസ്ഥയിലായി; ഭാര്യ വിമാനം ഓറഞ്ചു തോട്ടത്തില് ഇടിച്ചിറക്കി
ഇരട്ടസീറ്റ് വിമാനത്തില് ഭര്ത്താവിനോടൊപ്പം യാത്ര ചെയ്യുകയായിരുന്നു ഒരു വനിത. ചെറുവിമാനം നിയന്ത്രിച്ചിരുന്നത് തന്റെ ഭര്ത്താവായിരുന്നതിലാല് യാതൊരു ആശങ്കകളുമില്ലാതെ യാത്ര ആസ്വദിക്കുകയായിരുന്നു അവര്. പെട്ടെന്നാണ് പൈലറ്റ് അബോധാവസ്ഥയിലായത്.
ഒപ്പമുണ്ടായിരുന്ന ഭാര്യയുടെ മാനസികാവസ്ഥ ഊഹിക്കാമല്ലോ! പൈലറ്റ് സീറ്റിനു മുന്നിലെ മീറ്റര് സൂചികളുടെ അര്ഥമെന്തെന്നു പോലും അറിയാത്ത ആ സ്പാനിഷ് വനിത പക്ഷേ മനസ്സാന്നിദ്ധ്യം വീണ്ടെടുത്തു. ഉടന് ഈ വനിത പൈലറ്റ് കൂടിയായ ഒരു സുഹൃത്തിനെ ഫോണ് വിളിച്ചറിയിച്ചു. പൈലറ്റ് കൂടിയായ സുഹൃത്ത് എയര് ട്രാഫിക് കണ്ട്രോളര്മാരെ ഉടന് വിവരമറിച്ചു.
വിമാനം പറത്താന് 90 മിനിറ്റ് നീണ്ട അവരുടെ മാര്ഗനിര്ദേശ ക്ലാസ് ശ്രദ്ധയോടെ കേട്ടുമനസ്സിലാക്കിയ \' ആക്ടിംഗ് പൈലറ്റ്\' ഒടുവില് വിമാനം ഇടിച്ചിറക്കുകയായിരുന്നു. എയര് ട്രാഫിക് കണ്ട്രോളര്മാരുടെ നിര്ദേശമനുസരിച്ച് തെക്കന് നഗരമായ സെവീലിലെ ഒരു ഓറഞ്ച് തോട്ടത്തില് വിമാനം ഇടിച്ചിറക്കുമ്പോഴേക്കും ഭര്ത്താവ് മരിച്ചിരുന്നു. പരുക്കേറ്റ വനിത ആശുപത്രിയിലാണ്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha