ടെന് ഇയര് ചലഞ്ചിന്റെ ഭാഗമായി പോസ്റ്റ് ചെയ്ത ഈ ചിത്രം സൂപ്പര് ഹിറ്റ്!
സോഷ്യല് മീഡിയയില് ഇപ്പോള് 10-ഇയര് ചലഞ്ചിന്റെ ഭാഗമായുള്ള ചിത്രങ്ങള് പങ്കുവെയ്ക്കുന്ന ആവേശത്തിലാണ് ഏവരും. സോഷ്യല്മീഡിയ ഏറ്റെടുത്ത് വൈറലായ ഒന്നായി മാറുകയാണ് ടെന് ഇയര് ചലഞ്ച്. പത്തു വര്ഷം മുന്പുള്ള നിങ്ങളുടെ ഫോട്ടോയും ഇപ്പോഴത്തെ ഫോട്ടോയും ഒന്നിച്ച് പോസ്റ്റ് ചെയ്യുന്നതാണ് ടെന് ഇയര് ചലഞ്ച്.
സാധാരണക്കാര് മുതല് സെലിബ്രിറ്റികള് വരെ ഈ ചലഞ്ചിന്റെ ഭാഗമായിട്ടുണ്ട്. കൗതുകമുണര്ത്തുന്ന നിരവധി ചിത്രങ്ങളാണ് ഓരോരുത്തരും പങ്കുവെക്കുന്നത്. ഇപ്പോഴിതാ ഈ ചലഞ്ചിന്റെ ഭാഗമായി ഒരു യുവാവ് പോസ്റ്റ് ചെയ്ത കൗതുകമുണര്ത്തുന്ന ഒരു ചിത്രം വൈറലാകുന്നു.
ഒരു കല്യാണ ഗ്രൂപ്പ് ഫോട്ടോയില് ഒപ്പം നിന്ന പെണ്കുട്ടി പത്ത് വര്ഷങ്ങള്ക്കിപ്പുറം ജീവിത സഖിയായ രസകരമായ ഫോട്ടോയാണ് അരുണ് കുമാര് ആര് എന്ന യുവാവ് പോസ്റ്റ് ചെയ്ത ചിത്രം പങ്കുവയ്ക്കുന്ന കഥ.
കരുനാഗപ്പള്ളി സ്വദേശിയായ യുവാവിന്റെ ഈ ചലഞ്ച് സോഷ്യല് മീഡിയ ഏറ്റെടുത്ത് കഴിഞ്ഞു. എന്തായാലും '10 ഇയര് ചലഞ്ചുകളുടെ' കൂട്ടത്തില് വെറൈറ്റി ആകുകയാണ് ഈ ചിത്രം. ശ്രുതി ഹാസന്, റീസ് വിതര്സ്പൂണ്, പദ്മ ലക്ഷ്മി, ചാനല് അവതാരക എലന്, നിക്കി മിനാജ്, സാമുവല് എല് ജാക്സണ് തുടങ്ങി നിരവധി പേര് ഇതിനോടകം തന്നെ ഈ ജനപ്രിയ ചലഞ്ചിന്റെ ഭാഗമായി കഴിഞ്ഞു.
https://www.facebook.com/Malayalivartha