മാതൃകാപരമായി എങ്ങനെ മോഷ്ടിക്കാം എന്ന് പഠിക്കൂ...മോഷണത്തിനിരയായി പണം നഷ്ടപ്പെട്ടയാളെ കൊണ്ട് 'മോഷ്ടിക്കുമ്പോള് ഇങ്ങനെ മോഷ്ടിക്കണം' എന്നു പറയിച്ച ഒരു കള്ളന് !
കൈയ്യില് കിട്ടുന്ന സകലതും കൈക്കലാക്കി കടന്നു കളയുമെന്നതാണ് കള്ളന്മാരെക്കുറിച്ച് പൊതുവെയുള്ള ധാരണ. ചിലപ്പോള് അവര് കവരുന്നതില് വിലപ്പെട്ട പല രേഖകളും മറ്റ് അനുബന്ധ കാര്യങ്ങളും ഉണ്ടാകാം. ഒരു മോഷണത്തിന് ഇരയായ നൗഫല് കാരാട്ട് എന്ന യുവാവിന്റെ കൗതുകകരമായഒരു ഫേസ്ബുക്ക് കുറിപ്പ് കാണൂ...
ഒരു ദീര്ഘദൂര യാത്രക്കിടെ തന്റേയും സുഹൃത്തിന്റേയും പേഴ്സ് കവര്ന്ന മോഷ്ടാവിനെ നന്ദിയോടെയാണ് നൗഫല് സ്മരിക്കുന്നത്. പാന്റ്സിന്റെ പോക്കറ്റ് കീറി പേഴ്സ് കൈക്കലാക്കിയ കള്ളന് പണം മാത്രമാണ് അതിനുള്ളില് നിന്നും എടുത്തതെന്ന് നൗഫല് ആശ്വാസത്തോടെ പറയുന്നു. മാത്രമല്ല അതിനുള്ളിലെ വിലപ്പെട്ട പല രേഖകളും വിലകൂടിയ കാമറയും മൊബൈല് ഫോണും ഒന്നും തന്നെ ആ മോഷ്ടാവ് എടുത്തിരുന്നില്ല.
പൈസ നമുക്ക് വീണ്ടും പെട്ടെന്ന് ഉണ്ടാക്കാമെങ്കിലും ലൈസന്സ്, എടിഎം, ആധാര് തുടങ്ങിയ ഡോക്യൂമെന്റ്സ് നഷ്ടപ്പെട്ടാല് പിന്നെ അതുണ്ടാക്കാന് നമ്മള് ഒരുപാട് ഓടേണ്ടി വരും എന്നാണ് നൗഫല് പറയുന്നത്. അതിനിടവരുത്തി തന്നെയും സുഹൃത്തിനെയും കഷ്ടപ്പെടുത്തുവാന് തുനിയാതിരുന്ന മോഷ്ടാവിനെ നന്ദിയോടെയാണ് നൗഫല് ഓര്ക്കുന്നത്.
'മറ്റു കള്ളന്മാര് ഇത് കാണുന്നുണ്ടെങ്കില് മോഷ്ടിക്കുമ്പോള് ഇങ്ങനെ മോഷ്ടിക്കണം എന്ന് അഭ്യര്ത്ഥിക്കുന്നു'എന്ന് പറഞ്ഞാണ് നൗഫല് തന്റെ കുറിപ്പ് അവസാനിപ്പിക്കുന്നത്.
https://www.facebook.com/Malayalivartha