കുത്തനെയുള്ള പര്‍വതത്തിലൂടെ പിടിച്ചുപിടിച്ചു കയറി വരുന്ന കരടിയെ കണ്ട ജനക്കൂട്ടം കല്ലെറിഞ്ഞ് നദിയില്‍ വീഴിക്കുന്നതിന്റെ ഹൃദയഭേദകമായ ദൃശ്യങ്ങള്‍ സോഷ്യല്‍മീഡിയയില്‍ വൈറലാകുന്നു.

സംഭവം നടന്നത് ജമ്മു-കാഷ്മീരിലെ കാര്‍ഗിലിലാണ്. പാറക്കെട്ടില്‍ പിടിച്ച് മുകളിലെക്ക് കയറി വരുന്ന കരടിയെ കണ്ട ജനങ്ങള്‍ കരടിയുടെ നേര്‍ക്ക് കല്ലെറിയുകയായിരുന്നു.

കല്ല് തലയില്‍ കൊണ്ടതോടെ പിടിവിട്ട കരടി പാറകളില്‍ ഇടിച്ച് താഴെയുള്ള നദിയിലേക്ക് വീഴുകയായിരുന്നു.

ഈ കരടിക്ക് ഗുരുതര പരിക്കുകളുണ്ടെന്നാണ് റിപ്പോര്‍ട്ടുകള്‍ സൂചിപ്പിക്കുന്നത്.

കാഷ്മീര്‍ മുന്‍ മുഖ്യമന്ത്രി മെഹ്ബൂബ മുഫ്തി ഈ വീഡിയോ ട്വീറ്റ് ചെയ്തിരുന്നു.

സോഷ്യല്‍മീഡിയയില്‍ ഈ വീഡിയോ വ്യാപകമായി പ്രചരിച്ചതിനെ തുടന്ന് ഈ പ്രവൃത്തി ചെയ്തവരെ വിമര്‍ശിച്ച് നിരവധിയാളുകളാണ് രംഗത്തെത്തുന്നത്.