മൃഗപ്രദര്ശന നഗരിയില് നിന്നും കാണാതായ മുതലയെ കിട്ടിയത് തെരുവില് നിന്ന്!
ഒരു മുതലയെ കാണാനില്ലെന്ന പരാതി കിട്ടിയതിനെ തുടര്ന്ന് റിയാദിലെ ഒരു പോലീസ് സ്റ്റേഷനില് ആകെ അങ്കലാപ്പായി.
ഏതായാലും ആ പരാതിയിന്മേല് മുതലയെ അന്വേഷിക്കുന്നതിനിടെയാണ് റോഡിലൂടെ ഒരു മുതല ഇഴഞ്ഞു പോകുന്നതായി സുരക്ഷാവകുപ്പുകള്ക്ക് ഫോണ് വരുന്നത്. വിവരം കിട്ടിയ ഉടന് സുരക്ഷ വകുപ്പുദ്യോഗസ്ഥര് പാഞ്ഞെത്തി കക്ഷിയെ കുരുക്കിട്ടു പിടിച്ച് കസ്റ്റഡിയിലെടുത്തു.
ദക്ഷിണ റിയാദിലെ ഹോത്ത ബിനീ തമീമില് സംഘടിപ്പിച്ച മൃഗപ്രദര്ശന നഗരിയില് നിന്നാണ് കള്ളന്മുതല ചാടിപ്പോയത്.
പിന്നീട് ആ ഭാഗത്തെ തന്നെ റോഡിലൂടെ ഉലാത്തുമ്പോഴാണ് കക്ഷി പിടിയിലായത്. മുതലയെ കാണാനില്ലെന്ന പരാതി കിട്ടിയതിനെ തുടര്ന്ന് ആ പ്രദേശത്ത് തന്നെ വ്യാപകമായ തെരച്ചില് നടത്തിയിരുന്നുവെങ്കിലും ടിയാനെ പിടികിട്ടിയിരുന്നില്ല.
കസ്റ്റഡിയിലെടുത്ത മുതലയെ മൃഗപ്രദര്ശന നഗരി ഉടമയ്ക്ക് കൈമാറിയത് ചെറിയൊരു ഉപദേശത്തോടെയാണ് - ഇനിയിവനെ പുറത്തേക്ക് വിടല്ലേ...
https://www.facebook.com/Malayalivartha
