രണ്ടായിരത്തിലേറെ വര്ഷം മുമ്പ് നട്ടതും നശിക്കാതെ ഇപ്പോഴും നിലനില്ക്കുന്നതുമായ മരങ്ങള് നിറഞ്ഞ ഒരു പാര്ക്ക്
അമേരിക്കയിലെ നോര്ത്ത് കരോലിനയിലുള്ള നേച്ചര് കണ്സര്വേന്സി പാര്ക്കില് എത്തിയാല് ഒരു അപൂര്വ കാഴ്ച കാണാം.
ഇവിടത്തെ ബ്ലാക്ക് റിവറിന്റെ പരിസരങ്ങളില് തല ഉയര്ത്തി നില്ക്കുന്നത് രണ്ടായിരത്തിലേറെ വര്ഷങ്ങള് പഴക്കമുള്ള മരമുത്തശിമാരാണ്.
എന്വയോണ്മെന്റല് റിസര്ച്ച് കമ്മ്യൂണിക്കേഷന് എന്ന മാസിക നടത്തിയ പഠനത്തിലാണ് ഇവിടത്തെ മരങ്ങള്ക്ക് ഇത്രയധികം പ്രായമുണ്ടെന്ന് മനസിലായത്.
സൈപ്രസ് മരങ്ങള് തിങ്ങി വളര്ന്നിരുന്ന ഒരു പ്രദേശമായിരുന്നു ഇത്. വീട്ടുപകരങ്ങളും മറ്റും നിര്മിക്കുന്നതിനായി സൈപ്രസ് മരങ്ങള് വ്യാപകമായി വെട്ടിയതോടെ ഇവയുടെ എണ്ണം ഗണ്യമായി കുറഞ്ഞു.
പിന്നീട് ഈ പ്രദേശം സംരക്ഷിത വനമായി പ്രഖ്യാപിച്ച് സംരക്ഷിക്കുകയായിരുന്നു. 2624 വര്ഷം പഴക്കമുള്ള സൈപ്രസ് മരമാണ് ഇക്കൂട്ടത്തില് ഏറ്റവും പ്രായമുള്ളത്.
1600 ഏക്കര് വിസ്തൃതിയുള്ള ഈ സംരക്ഷിത വനപ്രദേശത്ത് ഇപ്പോള് 2000 വര്ഷത്തിലധികം പഴക്കമുള്ള 110 മരങ്ങളാണ് തിരിച്ചറിഞ്ഞിട്ടുള്ളത്.
https://www.facebook.com/Malayalivartha
