വിമാനം പറത്തുന്നതിനിടയില്‍ പൈലറ്റ് ഉറങ്ങിപ്പോയി! വിമാനം പറന്നുകൊണ്ടേ ഇരുന്നു!
വിമാനം പറത്തുന്നതിനിടയില്‍ പൈലറ്റ് ഉറങ്ങിപ്പോയാലോ? സംഗതി കുഴഞ്ഞില്ലേ. ഓസ്‌ട്രേലിയയില്‍ ഒരു ട്രെയിനി പൈലറ്റ് ഉറങ്ങിയത് കുറച്ചൊന്നുമല്ല നാല്‍പ്പതു മിനിറ്റാണ്.
അഡ്ലൈഡിലെ ഒരു വിമാനം പറത്തല്‍ പരിശീലനത്തിനിടെയാണ് ഈ ഉറക്കം. ഉറക്കമില്ലായ്മയും വേണ്ടത്ര ഭക്ഷണം കഴിക്കാത്തതുമാണ് ഉറക്കത്തിലേക്ക് വഴുതിവീഴാന്‍ കാരണമായത്.
5500 അടി ഉയരത്തില്‍ പറക്കുന്നതിനിടെ പൈലറ്റ്, വിമാനം ഓട്ടോ പൈലറ്റ് മോഡിലേക്ക് മാറ്റി ഉറക്കം തുടങ്ങിയത്രെ. ഉറങ്ങിക്കൊണ്ടിരുന്ന പൈലറ്റിനേയും കൊണ്ട് വിമാനം, അനുമതി ലഭിക്കാതെ അഡ്ലൈഡ് വ്യോമ മേഖലയിലേക്കാണ് ചെന്നെത്തിയത്.
ഏതോ വിമാനം വ്യോമമേഖലയില്‍ കടന്നതോടെ ഏവര്‍ക്കും ആശങ്കയായി. പൈലറ്റിനെ ബന്ധപ്പെടാന്‍ എയര്‍ ട്രാഫിക് കണ്‍ട്രോളില്‍ നിന്ന് ശ്രമിച്ചെങ്കിലും ഫലമുണ്ടായില്ല.
അല്‍പ്പസമയത്തിനകം അവിടെ എത്തിയ മറ്റൊരു വിമാനത്തിലെ പൈലറ്റാണ് ഈ പൈലറ്റിനെ ' തട്ടിയുണര്‍ത്തിയത്'!
നാല്‍പ്പത് മിനിറ്റോളം ഉറങ്ങിയ പ്രസ്തുത പൈലറ്റ്, ഈ പൈലറ്റിന്റെ എസ്‌കോര്‍ട്ടോടെ താഴെ എത്തുകയായിരുന്നു.
https://www.facebook.com/Malayalivartha
