ഒരു ദിവസം കൈയ്യില് വരുന്നത് 50 രൂപ മാത്രം; പക്ഷേ കളഞ്ഞു കിട്ടിയ 15000 രൂപ തിരികെ ഏല്പ്പിച്ചു!
21 MAY 2019 12:59 PM IST
മലയാളി വാര്ത്ത
എടത്വ 18-ല് ചിറ, സരസ്വതിയമ്മ-യുടെ നിത്യവരുമാനം 50 രൂപ മാത്രമേ ഉള്ളൂ എങ്കിലും തന്റെ ജീവിതമൂല്യങ്ങളെ മറന്നുജീവിക്കാന് ആ 80-കാരി ഇന്നും തയ്യാറല്ല.
എടത്വ കോളജിനു സമീപം ചെറിയ മുറുക്കാന്കട നടത്തിയാണ് സരസ്വതിയമ്മ ജീവിക്കുന്നത്. വെള്ളിയാഴ്ച എടത്വ മാര്ക്കറ്റില് നിന്നും വഴിയില് കിടന്നൊരു പൊതി സരസ്വതിയമ്മയ്ക്കു ലഭിച്ചു.
തുറന്നുനോക്കിയപ്പോള് പണമാണെന്നു മനസിലായപ്പോള് എണ്ണാന് പോലും നില്ക്കാതെ സമീപത്തെ എ.കെ.ബനാന സ്റ്റാള് ഉടമയെ ഏല്പ്പിച്ചു.
ഇന്നലെ പണം നഷ്ടപ്പെട്ട തലവടി കൈപ്പള്ളിമാലില് ശാന്തമ്മ അന്വേഷിച്ചു വന്നപ്പോള് തുക കൈമാറി. ബാങ്കില് നിന്നു പണമെടുത്ത് മടങ്ങും വഴിയാണ് 15000 രൂപ അടങ്ങിയ പൊതി ശാന്തമ്മയുടെ പക്കല് നിന്നും നഷ്ടപ്പെട്ടത്. പ്രതിഫലം നല്കിയെങ്കിലും സരസ്വതിയമ്മ വാങ്ങിയില്ല.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
