ഫെയ്സ്ബുക്കില് ഉല്സവം, സക്കര്ബര്ഗിന്റെ മക്കള് അടുക്കളയില് അമ്മയെ സഹായിക്കുന്ന ദൃശ്യങ്ങള് വൈറല്!
'എപ്പോഴും ഈ ഫെയ്സ്ബുക്കില് കയറി ഇരുന്നോ അടുക്കളയില് എന്നെ ഒന്നു സഹായിച്ചുകൂടേ..' പ്രായഭേദമന്യേ ജീവിതത്തില് ഒരു തവണയെങ്കിലും ഈ വാചകം പലരം കേട്ടിട്ടുണ്ടാകും. എന്നാല് ഈ പരിഭവം കേട്ട് മുഖം കറുപ്പിച്ചവര്
ഫെയ്സ്ബുക്ക് സ്ഥാപകന് മാര്ക്ക് സക്കര്ബര്ഗ് അദ്ദേഹത്തിന്റെ പേജില് പങ്കുവച്ചിരിക്കുന്ന വിഡിയോ കണ്ടാല്, സുക്കറണ്ണാ...സുക്കറണ്ണാ എന്നും വിളിച്ച് ഫെയ്സ്ബുക്കില് നിന്നിറങ്ങാതിരുന്നതിന് നമ്മളോട് ഇങ്ങനെ തന്നെ ചെയ്യണം എന്ന പറഞ്ഞുപോകും!
സക്കര്ബര്ഗ് മാതൃദിനത്തില് പങ്കുവച്ച വിഡിയോ സമൂഹമാധ്യമങ്ങളില് വൈറലാവുകയാണ്. അമ്മയെ സഹായിക്കാന് അടുക്കളില് പണിയെടുക്കുന്ന മക്കളുടെ ദൃശ്യങ്ങളാണ് സക്കര്ബര്ഗ് പങ്കുവച്ചത്.
മക്കളായ മാക്സും ഓഗസ്റ്റും അടുക്കളയില് പാത്രം കഴുകാന് സഹായിക്കുന്നതാണ് വിഡിയോ. ഒരാള് സിങ്കിനടുത്തു നിന്നും സ്പൂണും ഫോര്ക്കും കഴുകി മറ്റേയാളെ ഏല്പ്പിക്കുകയാണ്. അത് വാങ്ങി റാക്കില് ശ്രദ്ധയോടെ അവ അടുക്കി വയ്ക്കുകയാണ് രണ്ടാമത്തെ കക്ഷി. ഇടയ്ക്ക് അമ്മ പ്രസില്ല കഴുകാനായി വീണ്ടും സ്പൂണും ഫോര്ക്കും കൊടുക്കുന്നതും വിഡിയോയില് കാണാം.
മക്കളെ ചെറുപ്രായത്തില് തന്നെ കുഞ്ഞുകുഞ്ഞു ജോലികളൊക്കെ ഏല്പ്പിക്കുന്നത് വളരെ നല്ലതാണെന്നാണ് അദ്ദേഹത്തിന്റെ പക്ഷം. ഫെയ്സ്ബുക്ക് സ്ഥാപകനാണെങ്കിലും മക്കളെ സൈബര് ഇടങ്ങളില് തളച്ചിടാന് അദ്ദേഹം തയാറല്ല. അതിനുദാഹരണമാണ് രണ്ടാമത്തെ മകള് ഓഗസ്റ്റ് ജനിച്ചപ്പോള് അദ്ദേഹം മകള്ക്കായി കുറിച്ച സന്ദേശം. 'വലുതാകുമ്പോള് നിനക്ക് വളരെ തിരക്കായിരിക്കും അതുകൊണ്ട് ഇപ്പോള്തന്നെ എല്ലാ പൂക്കളുടേയും സുഗന്ധം അറിഞ്ഞുവളരുക'.
https://www.facebook.com/Malayalivartha