പ്രസവശേഷം വീട്ടിലെത്തിയ മാതാപിതാക്കള് കുഞ്ഞിനെ ടാക്സിയ്ക്കുള്ളില് മറന്നു വച്ചു!
ജര്മനിയിലെ ഹംബര്ഗില് നവജാത ശിശുവിനെ മാതാപിതാക്കള് കാറിനുള്ളില് മറന്നു വച്ചു.
പ്രസവ ശേഷം ആശുപത്രിയില് നിന്നും വീട്ടിലേക്കുള്ള മടക്ക യാത്രയിലാണ് ഇവര് ദിവസങ്ങള് മാത്രം പ്രായമുള്ള കുട്ടിയെ കാറിനുള്ളില് മറന്ന് വച്ചത്.
ഇവരുടെ ആദ്യത്തെ കുട്ടിയും കാറിനുള്ളില് ഉണ്ടായിരുന്നു. ഈ കുട്ടിയെയും എടുത്ത് കാറിനുള്ളില് നിന്നും ഇറങ്ങിയ ഇവര് തങ്ങളുടെ കൈക്കുഞ്ഞിനെ എടുക്കുവാന് മറന്നു പോയിരുന്നു. ടാക്സിയുടെ വാടക കൊടുത്തിനു ശേഷം വീടിനുള്ളില് കയറിയപ്പോഴാണ് കുട്ടി കൂടെയില്ലന്ന് ഇവര്ക്ക് മനസിലായത്.
എന്ത് ചെയ്യണമെന്ന് അറിയാതെ മാതാപിതാക്കള് അല്പ്പസമയം പകച്ചു നിന്നു. എന്നാല് ബോധം വീണ്ടെടുത്ത പിതാവ് ഉടന് തന്നെ കാര് പോയതിനു പിന്നാലെ ഓടി. എന്നാല് കാര് കണ്ടെത്താന് സാധിച്ചില്ല. അദ്ദേഹം ഉടന് തന്നെ പോലീസുമായി ബന്ധപ്പെട്ടു.
എന്നാല് ഈ സമയമത്രയും കുഞ്ഞ് കാറിന്റെ പിറകിലുണ്ടെന്ന് അറിയാതെ ഡ്രൈവര് കാര് ഓടിച്ചു കൊണ്ടിരുന്നു. കൂടാതെ ഒരു സ്ഥലത്ത് കാര് കൊണ്ടിട്ടതിനു ശേഷം ഭക്ഷണം കഴിക്കുവാന് പോകുകയും ചെയ്തു.
ഈ സമയം കുട്ടിക്കു വേണ്ടിയുള്ള തെരച്ചിലിലായിരുന്നു പോലീസ് സംഘം. ഭക്ഷണം കഴിച്ചെത്തിയ ഡ്രൈവര് മറ്റൊരാള്ക്കു വേണ്ടി എയര്പോര്ട്ടില് പോയി. അപ്പോഴും കുട്ടി കാറിനുള്ളിലുണ്ടെന്ന് അദ്ദേഹം അറിഞ്ഞില്ല. പിന്നീട് എയര്പോര്ട്ടിലെത്തിയപ്പോള് കാറിനുള്ളില് കയറിയ യാത്രികനാണ് സീറ്റില് കുട്ടിയുണ്ടെന്ന് അദ്ദേഹത്തെ അറിയിച്ചത്.
അദ്ദേഹം സംഭവം ഉടന് തന്നെ പോലീസില് അറിയിച്ചു. കൂടാതെ കുട്ടിയെ പോലീസ് സ്റ്റേഷനില് എത്തിക്കുകയും ചെയ്തു. പോലീസുദ്യോഗസ്ഥര് അറിയിച്ചതിനുസരിച്ച് ഇവിടെ എത്തിയ മാതാപിതാക്കള് തങ്ങളുടെ കുട്ടിയെ തിരികെ 'കൈപ്പറ്റി'!
https://www.facebook.com/Malayalivartha
