കെഎസ്ആര്ടിസി ഡ്രൈവറും ടിപ്പര് ഡ്രൈവറും തമ്മില് ഓവര്ടേക്ക് ചെയ്യാന് മല്സരം!
ടിപ്പര് ലോറിയെയും കെഎസ്ആര്ടിസി ബസിനെയും റോഡിലെ രണ്ട് കൊലകൊമ്പന്മാരായാണ് കണക്കാക്കുന്നത്. പലപ്പോഴും വില്ലന് പരിവേഷം തന്നെയാണ് ഈ രണ്ട് വാഹനങ്ങള്ക്കും ലഭിക്കാറുള്ളതും. ഏറ്റവും പുതുതായി പുറത്തു വന്നിരിക്കുന്ന വീഡിയോയിലും ഇരു വാഹനങ്ങള്ക്കും വില്ലന് പരിവേഷം തന്നെയാണ്.
ട്രാഫിക് നിയമങ്ങള് പാലിക്കാതെ മരണപാച്ചില് നടത്തുന്ന കെഎസ്ആര്ടിസി ഡ്രൈവര്മാരും ടിപ്പര് ലോറിക്കാരും നിരത്തില് പലപ്പോഴും ജീവനെടുത്തിട്ടുണ്ട്. ടിപ്പറും കെഎസ്ആര്ടിസിയും തമ്മില് തെരുവില് നടന്ന ഒരു ഓവര്ടേക്കിങ് വിഡിയോയാണ് ഇപ്പോള് ചര്ച്ച. ഓവര്ടേക്ക് ചെയ്യാന് ശ്രമിക്കുന്ന ലോറിക്ക് കെഎസ്ആര്ടിസി സൈഡ് കൊടുക്കാതെ മുന്നോട്ടുപോവുകയാണ്. തിരക്കുള്ള റോഡിലും ബസിനെ ഓവര്ടേക്ക് ചെയ്യാന് ലോറിയുടെ ഡ്രൈവര് പരമാവധി പരിശ്രമിക്കുന്നുമുണ്ട്.
എന്നാല് ബസ് ഡ്രൈവറും ഒട്ടും വിട്ടുകൊടുക്കാതെ മുന്നോട്ടു പോവുകയാണ്. ഒടുവില് അപകടകരമാം വിധം രണ്ടുപേരും മുന്നോട്ടുപോയതോടെ നാട്ടുകാര് ഇടപെടുന്നതും വിഡിയോയില് കാണാം. ഈ മുന്നേറ്റങ്ങള്ക്കിടയില് പെട്ടുപോയ നിര്ഭാഗ്യവാനായ യാത്രക്കാരനാണ് ഈ രംഗം ക്യാമറയില് പകര്ത്തിയത്.
https://www.facebook.com/Malayalivartha
