ഫിലിപ്പീന്‍സില്‍ നിന്നും ബിരുദം നേടണോ? 10 തൈ കൂടി കരുതിയ്‌ക്കോ..!
ഫിലീപ്പീന്‍സ് സര്‍ക്കാര്‍ പ്രകൃതിയെ സഹായിക്കുന്ന പുതിയ നിയമവുമായി എത്തുന്നു. ഇനി സ്‌കൂള്‍തലത്തില്‍ മാര്‍ക്ക് മുഴുവന്‍ വാങ്ങിയാലും 10 മരം നടാന്‍ തയ്യാറായില്ലെങ്കില്‍, ഇവിടെ ബിരുദ പഠനത്തിനു ചേരാനാവില്ല . ആഗോളതാപനത്തെ നേരിടുന്നതിനും മരം നടീല്‍ ഒരു ശീലമാക്കുന്നതിനും വേണ്ടിയാണ് ഇത്. 120 ലക്ഷം വിദ്യാര്‍ത്ഥികള്‍ പ്രാഥമിക വിദ്യാഭ്യാസവും 50 ലക്ഷത്തോളം വിദ്യാര്‍ത്ഥികള്‍ ഹൈസ്‌കൂള്‍ വിദ്യാഭ്യാസവും 5 ലക്ഷം പേര്‍ കോളജ് വിദ്യാഭ്യാസവും പൂര്‍ത്തിയാക്കുന്നുവെന്നിരിക്കെയാണ് ഇത്തരമൊരു വലിയ മാറ്റത്തിലേയ്ക്ക് ഫിലിപ്പീന്‍സ് കാലുവെച്ചിരിക്കുന്നത്.
മഗ്ഡാലോ പാര്‍ട്ടിയുടെ പ്രതിനിധിയായ ഗാരി അലേജാനോവാണ് പുതിയ നിയമ നിര്‍മ്മാണത്തിനു പിന്നില്‍. ലോകത്തിലെ ഏറ്റവും വേഗം വനനശീകരണം നടക്കുന്ന രാജ്യങ്ങളില്‍ ഒന്നായതിനെ തുടര്‍ന്നാണ് ഫിലിപ്പീന്‍സ് ആ ഈ കരുതല്‍ നടപടിയെടുക്കുന്നത്. ഈ നിയമത്തിലൂടെ 1750 ലക്ഷം മരങ്ങളെങ്കിലും ചുരുങ്ങിയത് ഓരോ വര്‍ഷവും വെച്ചുപിടിപ്പിക്കാമെന്നാണ് കണക്ക്. ഫിലിപ്പീന്‍സിന്റെ മാതൃക മറ്റു രാജ്യങ്ങളും പിന്‍തുടര്‍ന്നാല്‍ പ്രകൃതിയ്ക്ക് ഒരു കൈത്താങ്ങായിരിക്കും അത്.
https://www.facebook.com/Malayalivartha
