ബിഹാര്‍ കൃഷിവകുപ്പ് ആട്ടിന്‍കുട്ടികള്‍ക്കുള്ള ചോക്ലേറ്റ് കണ്ടുപിടിച്ചു.

അവിടത്തെ ശാസ്ത്രഞ്ജനായ ധര്‍മേന്ദ്ര കുമാറാണ് ഇത് കണ്ടുപിടിച്ചത്.

മെംനെയ്കാ ചോക്ലേറ്റ് എന്നാണ് ഏറെ സവിശേഷതകളുള്ള ഈ ചോക്ലേറ്റിന്റെ പേര്.

ഈ കണ്ടുപിടുത്തത്തിലെത്താന്‍ രണ്ടു വര്‍ഷത്തെ പരിശ്രമം വേണ്ടിവന്നു. പ്രോട്ടീനും ധാതുപദാര്‍ത്ഥവും കൊണ്ട് ആരോഗ്യ സമ്പന്നമാണ് ഈ ചോക്ലേറ്റ്.

അമ്മയാടില്‍ നിന്നും പാല്‍ ലഭിക്കാത്ത ആട്ടിന്‍ കുട്ടികള്‍ക്ക് ഈ ചോക്ലേറ്റ് പൗഡര്‍ രണ്ടാഴ്ച കലക്കി നല്‍കിയാല്‍ മതിയെന്നാണ് അദ്ദേഹം പറയുന്നത്.

ഈ ചോക്ലേറ്റ് കഴിക്കുന്ന ആട്ടിന്‍കുട്ടിക്ക് ഒരു ദിവസം 40 മുതല്‍ 50 ഗ്രാം വരെ ഭാരം വയ്ക്കുമെന്നും അദ്ദേഹം വ്യക്തമാക്കി.

ഒരു കിലോ ചോക്ലേറ്റിന്റെ വില 60 രൂപയാണ്. പേറ്റന്റ് ലഭിച്ചാല്‍ ഉടന്‍ തന്നെ ഈ ചോക്ലേറ്റ് വിപണിയിലെത്തും.