മുത്തച്ഛനൊപ്പം തകര്‍പ്പന്‍ ഡാന്‍സ് നടത്തിയതിനു ശേഷം ഓപ്പറേഷന്‍ തീയറ്ററിലേയ്‌ക്കെത്തി അഞ്ചുവയസ്സുകാരന്‍!
ജന്മനാ രക്തധമനികള്‍ ചുരുങ്ങുന്ന രോഗം ബാധിച്ച ക്യൂ സാന്‍ ജുവാന്‍ എന്ന അഞ്ചു വയസ്സുകാരന്റെ മനോബലത്തെ പ്രശംസിക്കുകയാണ് ഇപ്പോള്‍ സോഷ്യല്‍ മീഡിയ.
സര്‍ജറിയിലൂടെ മാത്രമേ ജുവാന്റെ അസുഖം ഭേദമാക്കാന്‍ കഴിയൂ. അതിനായി ജൂണ്‍ 5-ന് ജുവാന്റെ സര്‍ജറി നടത്താന്‍ നിശ്ചയിച്ചു. സിറിഞ്ചും കത്തിയുമൊക്കെ പേടിയുള്ള കുഞ്ഞുങ്ങളോട് ശസ്ത്രക്രിയ നടത്താന്‍ പോകയാണെന്നു പറഞ്ഞാല്‍, അതറിയുന്ന നിമിഷം മുതല്‍ പേടിച്ചരണ്ടായിരിക്കും കഴിയുന്നത്. അവിടെയാണ് ജുവാന്‍ വ്യത്യസ്തനാകുന്നത്.
ഓപ്പറേഷന്റെ തലേദിവസമായ ജൂണ്‍ നാലിന് മുത്തച്ഛനെയും കൂട്ടി അടുത്തുള്ള ഗ്രോസറി സ്റ്റോറില്‍ പോയതാണ് ജുവാന്‍ .അവിടെയെത്തിയ ജുവാന്‍ മുത്തച്ഛനോട് തന്നോടൊപ്പം നൃത്തംവയ്ക്കാന്‍ ആവശ്യപ്പെടുകയായിരുന്നു.
ചുവപ്പ് നിറത്തിലുള്ള ടൈറ്റ് പൈജാമയും ലൈറ്റ് ഘടിപ്പിച്ച ഷൂസുമൊക്കെ ധരിച്ച് തകര്‍ത്ത് നൃത്തം വയ്ക്കുകയാണ് ജുവാന്‍. ഒപ്പം ചെറുമകനെ സന്തോഷിപ്പിച്ച് മുത്തചഛനും.
വളരെ ഹൃദ്യമായ കാഴ്ച എന്നാണ് ഈ വിഡിയോ കാണുന്നവര്‍ കുറിച്ചിരിക്കുന്നത്. ഇതിന്റെ വിഡിയോ ഇപ്പോള്‍ സോഷ്യല്‍ മീഡിയയില്‍ വൈറലായിരിക്കുകയാണ്.
ജുവാന്റെ അമ്മയാണ് വിഡിയോ ഫെയ്‌സ്ബുക്കില്‍ പങ്കുവച്ചത്. സര്‍ജറിക്ക് ശേഷം എല്ലാം നന്നായി നടന്നുവെന്ന് ജുവാന്റെ അമ്മ ഫെയ്‌സ്ബുക്കിലൂടെ അറിയിച്ചു.
https://www.facebook.com/Malayalivartha
