ഒരു ചെയ്ഞ്ച് ആയിക്കോട്ടെ എന്നു കരുതി ചെയ്തതല്ല, വരന് വധു താലികെട്ടി! അബദ്ധം തിരിച്ചറിഞ്ഞപ്പോള് ചിരിയാഘോഷം!
ആ കല്യാണച്ചടങ്ങില് പങ്കെടുക്കാനെത്തിയ അതിഥികള്ക്ക് ഒരു കോമഡിപ്പടം കണ്ട് വീട്ടിലേക്കു മടങ്ങുന്ന ഫീല് ആയിരുന്നു എന്നു പറഞ്ഞാല് അത് വാസ്തവം മാത്രമാണ്.
അതിഥികളായി എത്തിയവര് മാത്രമല്ല, വരനും വധുവും പൂജാരിയും പോലും ഒരു പക്ഷേ അതേ വികാരത്തോടെയാകും തിരികെ വീട്ടിലേക്ക് മടങ്ങിയിരിക്കുക.
താലി കെട്ടിനുള്ള മുഹൂര്ത്തം ആയപ്പോള്, വരനും വധുവിനും എല്ലാം വിശദീകരിച്ചുകൊടുത്തുകൊണ്ട് കാരണവര് സ്ഥാനത്തുനിന്നയാള് താലി വധുവിന്റെ കൈകളില് ഏല്പ്പിച്ചിട്ട് ഇനിയെന്താണ് ചെയ്യേണ്ടത് എന്നു വിശദീകരിക്കുന്നത് കാണാം.
തലമൂത്ത കാര്ന്നോര് പറഞ്ഞത് ചോദ്യം ചെയ്യാനൊന്നും വധു മുതിര്ന്നില്ല. താലികെട്ടി സ്വന്തമാക്കാനായി, വധു വരന്റെ കഴുത്തിലേക്ക് താലി ചേര്ത്തുവച്ചു.
കാരണവരാകട്ടെ വരന്റെ പിന്നില് നില്ക്കുന്നവരോട് പെട്ടെന്ന് തന്നെ പിന്നിലൂടെ താലി കെട്ടാനുള്ള നിര്ദ്ദേശവും കൊടുക്കുന്നുണ്ട്.
താലി ഏറ്റു വാങ്ങാന് നമ്രശിരസ്കനായി നിന്ന വരന് പെട്ടെന്ന് അബദ്ധം മനസ്സിലായി. ചിരിച്ചുകൊണ്ട് തലയുയര്ത്തി സൂചിപ്പിച്ചു, അയ്യേ...ഇതിങ്ങനെയല്ലല്ലോ എന്ന്! അതോടെ വരനും വധുവും ചുറ്റും കൂടിനിന്നവരുമെല്ലാം ചിരിയോടുചിരിയായി! പിന്നെ ഏതായാലും ശരിയായ രീതിയില് താലികെട്ടല് നടത്തി.
വരന്റെ കഴുത്തില് താലികെട്ടുന്ന വധുവിന്റെ ദൃശ്യങ്ങളാണ് ഇപ്പോള് സമൂഹമാധ്യമങ്ങളില് തരംഗമാകുന്നത്.
ഇതിലേറെ രസം കല്യാണത്തിന് കാര്മികത്വം വഹിക്കാനെത്തിയ പൂജാരിയോ അതിഥികളോ പോലും ആദ്യത്തെ കുറച്ച് നിമിഷങ്ങളില് വധുവിന് സംഭവിച്ച അബദ്ധം തിരിച്ചറിഞ്ഞില്ല.
നവദമ്പതികള്ക്ക് പറ്റിയ അബദ്ധത്തിന്റെ ദൃശ്യങ്ങള് സമൂഹമാധ്യമങ്ങളില് വ്യാപകമായി പ്രചരിക്കുകയാണിപ്പോള്.
https://www.facebook.com/Malayalivartha