സോഷ്യല്മീഡിയയെ ചിരിപ്പിക്കുന്നു ട്രാഫിക് പോലീസിന്റെ ഈ ബോര്ഡ്; 'മദ്യപിക്കുമ്പോള് മൊബൈല് ഫോണ് ഉപയോഗിക്കരുത്'!
അധികൃതര് റോഡുകളുടെ സമീപത്ത്, സുരക്ഷിത യാത്രയ്ക്കുള്ള മുന്നറിയിപ്പു ബോര്ഡുകള് വയ്ക്കാറുണ്ട്. അത്തരമൊരു ബോര്ഡ് ഇപ്പോള് സോഷ്യല്മീഡിയയില് ഏറെ ചിരിയുണര്ത്തുകയാണ്.
വാഹനമോടിക്കുമ്പോള് മൊബൈല് ഫോണ് ഉപയോഗിക്കരുതെന്ന വാക്കുകള്ക്കു പകരമായി, മദ്യപിക്കുമ്പോള് മൊബൈല് ഫോണ് ഉപയോഗിക്കരുതെന്ന മുന്നറിയിപ്പാണ് ഈ ബോര്ഡില് പ്രത്യക്ഷപ്പെട്ടത്. റൂറല് ജമ്മുവിലെ ട്രാഫിക് പോലീസ് സ്ഥാപിച്ചതാണെന്ന പേരിലാണ് ഈ ബോര്ഡുകള് പ്രത്യക്ഷപ്പെട്ടത്.
ജമ്മു കാഷീമീരിലെ പീര് കി ഗലിയിലുള്ള മുഗള് റോഡിലാണ് ഈ ബോര്ഡുകള് സ്ഥാപിച്ചിട്ടുള്ളത്.
എന്നാല് സംഭവം സോഷ്യല്മീഡിയയില് ഏറെ ചര്ച്ച ചെയ്യപ്പെട്ടതിനെ തുടര്ന്ന് അധികൃതര് അന്വേഷണം പ്രഖ്യാപിച്ചിരുന്നു. സാമൂഹ്യവിരുദ്ധരാണ് ഈ പ്രവര്ത്തനത്തിനു പിന്നിലെന്ന് പ്രാഥമിക അന്വേഷണത്തില് തെളിഞ്ഞു.
ഇത് ഗുരുതരമായ കുറ്റമാണെന്നും ഇതിനു പിന്നില് പ്രവര്ത്തിച്ചവരെ പിടികൂടുമെന്നും പോലീസ് അറിയിച്ചു.
https://www.facebook.com/Malayalivartha