ഡയാനാ രാജകുമാരിയുടെ പുനര്ജന്മമാണ് താനെന്ന അവകാശവാദവുമായി ഓസ്ട്രേലിയയിലെ നാലുവയസ്സുകാരന്
ആസ്ട്രേലിയന് ടെലിവിഷന് അവതാരകനായ ഡേവിഡ് ക്യാപ്ബെല്ലിന്റെ മകന് ബില്ലി എന്ന നാലുവയസ്സുകാരന് ഇപ്പോള് ലോകത്തിന്റെ ശ്രദ്ധാകേന്ദ്രമാകുകയാണ്. ഡയാനാ രാജകുമാരിയുടെ പുനര്ജന്മമാണു താനെന്നാണ് ആ കൊച്ചുകുഞ്ഞ് പറയുന്നത്.
ബില്ലി ആദ്യമായി തങ്ങളെ ഞെട്ടിച്ചത് അവന് വെറും രണ്ട് വയസ്സു മാത്രം പ്രായമുള്ളപ്പോഴാണെന്ന് അച്ഛന് ഡേവിഡ് ക്യാപ്ബെല്ല് പറയുന്നു. ഒരു ദിവസം ടിവിയില് ഡയാന രാജകുമാരിയുടെ ചിത്രം കണ്ട ബില്ലി പറഞ്ഞത് ഇങ്ങനെയാണ് ' മമ്മാ നോക്കിക്കേ അത് ഞാനാണ്, ഞാന് രാജകുമാരി ആയിരുന്നപ്പോഴുള്ള ചിത്രമാണത്.' പക്ഷേ മാതാപിതാക്കള് അവന്റെ വാക്കുകള് അത്ര കാര്യമായെടുത്തില്ല. പക്ഷേ തുടര്ന്നവന് പറഞ്ഞത് കേട്ട് അവര് ഞെട്ടിത്തരിച്ചുപോയി. ' അന്ന് എനിക്കൊരു ചേട്ടനുണ്ടായിരുന്നു, ജോണ്.. രണ്ടു പിള്ളേരും..'
പീന്നീട് അതേ കുറിച്ച് അന്വേഷിച്ചപ്പോഴാണ് ഡയാന ജനിക്കുന്നതിന് മുന്പേ അവര്ക്ക് ജോണ് എന്ന ഒരു ചേട്ടന് ഉണ്ടായിരുന്നെന്ന വിവരം തങ്ങള് പോലും അറിഞ്ഞതെന്ന് മാതാപിതാക്കള് പറയുന്നു. ഡയാന ജനിക്കുന്നതിന് മുന്പേ ജോണ് മരിച്ചുപോയിരുന്നു. ഇത്ര ചെറിയ പ്രായത്തില് ബില്ലി ഇതെങ്ങനെ അറിഞ്ഞു എന്നതായി അവരുടെ ചിന്ത.
പക്ഷേ പിന്നീട് പല സന്ദര്ഭങ്ങളിലും ഇത്തരം വെളിപ്പെടുത്തലുകള് ബില്ലിയില് നിന്നുണ്ടായി. ഇന്നേവരെ ഡയാനരാജകുമാരിയെ കുറിച്ച് മകനോട് തങ്ങള് ഒന്നുംതന്നെ പറഞ്ഞുകൊടുത്തിട്ടില്ലെന്ന് മാതാപിതാക്കള് ആണയിട്ടു പറയുന്നു. ഡയാനയുടെ ജീവിതത്തിലെ പല സ്വകാര്യമായ കാര്യങ്ങള് പോലും കുഞ്ഞ് പറഞ്ഞു തുടങ്ങിയപ്പോള് അവര്ക്കത് അവഗണിക്കാനായില്ലെന്ന് ഡേവിഡ് ക്യാപ്ബെല് പറയുന്നു.
ഓസ്ട്രലിയന് പൗരനായ ബില്ലി ഇതുവരെ ബ്രിട്ടനില് പോയിട്ടില്ല. പക്ഷേ ബ്രിട്ടണിലെ ബാല്മോറല് കൊട്ടാരത്തിലെ ചില കാഴ്ച്ചകളെ കുറിച്ചു പറഞ്ഞ് ബില്ലി അവരെ അക്ഷരാര്ഥത്തില് ഞെട്ടിച്ചു. ഡേവിഡ് ക്യാപ്ബെല്ലിന്റെ ഒരു സ്കോട്ടിഷ് സുഹൃത്തിനോട് ഒരു ദിവസം ബില്ലി പറഞ്ഞത് ഇങ്ങനെയായിരുന്നു ' ഞാന് രാജകുമാരിയായിരുന്നപ്പോള്, ഒരു മാളികയിലേക്ക് എപ്പോഴും പോകുമായിരുന്നു. അതില് യൂണികോണ്സ് ഉണ്ടായിരുന്നു. അതിന്റെ പേര് ബാല്മോറല് എന്നാണ്...'
ഈയടുത്ത് ബെല്ലിയുെട അമ്മ ഡയാനയുടെ ഒരു ചിത്രം മകനെ കാണിച്ചപ്പോള് അവര് പറഞ്ഞത് ഇങ്ങനെയായിരുന്നു.' ഞാന് രാജകുമാരി ആയിരുന്നപ്പോഴുള്ള ചിത്രമാണിത്.. ഒരു ദിവസം ഒരുപാട് സൈറണുകള് മുഴങ്ങി.. അന്ന് ഞാന് രാജകുമാരി അല്ലാതായി..' മകന്റെ ഇത്തരം പ്രവചനങ്ങള് അവന്റെ മാതാപിതാക്കളെ ആശയക്കുഴപ്പത്തിലാക്കുകയാണ്. പുനര്ജന്മത്തെ കുറിച്ച് ഇന്നും വ്യക്തമായ ഉത്തരം നല്കാന് വിദഗ്ധര്ക്കു പോലും കഴിഞ്ഞിട്ടില്ല.
ബ്രിട്ടണിലെ ചാള്സ് രാജകുമാരന്റെ പത്നിയായിരുന്നു ഡയാനാ രാജകുമാരി. 1997-ലെ ഒരു കാറപകടത്തില് മരിച്ച ഡയാനയുടെ പുനര്ജന്മമോണാ ബില്ലി? ലോകമാകമാനം ബില്ലിയുടെ വെളിപ്പെടുത്തല് ശ്രദ്ധ നേടി ക്കൊണ്ടിരിക്കുകയാണ്.
https://www.facebook.com/Malayalivartha