കണ്ണീരണിഞ്ഞ്, പഞ്ചായത്ത് പ്രസിഡന്റ് സഹപ്രവര്‍ത്തകനെ യാത്രയാക്കി!
കൊഴുവനാല്‍ ഗ്രാമപഞ്ചായത്തില്‍ നിന്നും സ്ഥലം മാറിപ്പോകുന്ന ശ്രീകാന്തിന് സഹപ്രവര്‍ത്തകര്‍ നല്‍കിയ യാത്രയയപ്പിന്റെ വീഡിയോ സോഷ്യല്‍ മീഡിയയില്‍ വൈറലായി മാറുന്നു. അഞ്ച് വര്‍ഷത്തെ സേവനത്തിനു ശേഷമാണ് മീനച്ചില്‍ ഗ്രാമപഞ്ചായത്തിലേക്ക് അക്കൗണ്ടന്റായി പ്രമോഷനോടെ ശ്രീകാന്തിന്റെ സ്ഥലംമാറ്റം.
യാത്രയയപ്പ് ചടങ്ങ് പക്ഷേ സങ്കടക്കടലായി മാറി. പഞ്ചായത്ത് പ്രസിഡന്റ് തോമസ് ജോര്‍ജ് അടക്കം നിറകണ്ണുകളോടെയാണ് യാത്രയയച്ചത്.
പഞ്ചായത്ത് ഓഫീസ് അങ്കണത്തില്‍ വച്ച് ശ്രീകാന്തിന് ഫലകം ഉപഹാരമായി നല്‍കിയപ്പോള്‍ നിറചിരിയോടെ നിന്ന പ്രസിഡന്‍ന്റിന്റെ മുഖം പെട്ടെന്ന് മങ്ങി. അതൊരു കരച്ചിലിലാണ് അവസാനിച്ചത്. വിതുമ്പുന്ന ചുണ്ടുകള്‍ കൊണ്ട് പ്രിയ സഹപ്രവര്‍ത്തകന് അദ്ദേഹം ചുംബനം നല്‍കിയപ്പോള്‍ കണ്ടു നിന്നവരുടെയും കണ്ണുകള്‍ ഈറനണിഞ്ഞു. സങ്കടം നിയന്ത്രിക്കാനാകാതെ അദ്ദേഹം ശ്രീകാന്തിന്റെ കൈയില്‍ പിടിച്ചു കുലുക്കി ഓഫീസ് മുറിയിലേക്ക് മടങ്ങി.
കഴിഞ്ഞ 19 വര്‍ഷമായി കൊഴുവനാല്‍ പഞ്ചായത്ത് മെമ്പറും നാല് വര്‍ഷമായി പ്രസിഡന്റുമായ തോമസ് ജോര്‍ജിനെ നാട്ടുകാര്‍ സ്‌നേഹത്തോടെ തൊമ്മച്ചന്‍ എന്നാണ് വിളിക്കുന്നത്.
https://www.facebook.com/Malayalivartha
