സ്വന്തം കാറിനു തീ പിടിച്ചതെങ്ങനെയെന്ന് കണ്ടെത്താന് സിസിടിവി ദൃശ്യങ്ങള് തിരഞ്ഞ ഉടമ നടുങ്ങി!
നിര്ത്തിയിട്ടിരുന്ന തന്റെ വാഹനം അഗ്നിക്ക് ഇരയായതിന്റെ ഞെട്ടലിലായിരുന്നു ആ കാര് ഉടമ. തുടര്ന്നാണ് സിസിടിവി ദൃശ്യങ്ങള് പരിശോധിക്കാന് അയാള് തീരുമാനിക്കുന്നത്. അങ്ങനെ ദൃശ്യങ്ങള് പരിശോധിച്ച അയാള് ഞെട്ടി.
തലമുഴുവന് കറുത്ത തുണി കൊണ്ട് മൂടിയ ഒരു മനുഷ്യരൂപം തന്റെ കാറിനു നേരെ നടന്നടുക്കുന്നു. കാറിനു ചുറ്റും നടക്കുന്ന ആ രൂപം ചില്ല് തകര്ക്കാന് ശ്രമിക്കുന്നു. ഒടുവില് തകര്ത്ത ചില്ലിനിടയിലൂടെ ആ മനുഷ്യന് അകത്തേക്ക് കൈ ഇടുന്നതും കാണാം. അതോടെ തീ ആളുകയായിരുന്നു. അതോടെ അയാള് ഓടി മാറുന്നതായാണ് ദൃശ്യങ്ങളില് കാണുന്നത്.
കഴിഞ്ഞ കുറച്ചുദിവസങ്ങളായി സോഷ്യല് മീഡിയയില് വൈറലായിക്കൊണ്ടിരിക്കുന്ന ഒരു വീഡിയോ ആണിത്. എവിടെ നടന്ന സംഭവമാണെന്ന് വ്യക്തമല്ലെങ്കിലും നിരവധി പേരാണ് ഈ വീഡിയോ പങ്കു വയ്ക്കുന്നത്.
കാറിന് തീ പിടിച്ചത് എങ്ങനെയാണെന്നും ആ മനുഷ്യന്റെ ഉദ്ദേശം എന്തായിരുന്നുവെന്നുമാണ് ആളുകള് ചോദിക്കുന്നത്. കാര് മോഷ്ടിക്കാനുള്ള ശ്രമമായിരുന്നുവെങ്കില് അയാള് ആ കാര് കത്തിക്കാന് ശ്രമിക്കുമോ? തീയാളിയപ്പോള്, ഇതെന്താ തീ കത്തുന്നത് എന്ന ഭാവത്തോടെ ഞെട്ടി മാറുകയായിരുന്നു അയാള്.
മോഷ്ടാവ് അകത്തേക്കിട്ട വസ്തുവില് നിന്നാണ് തീ പടര്ന്നതെന്നും അതല്ല കാറിനകത്ത് തന്നെ സൂക്ഷിച്ച വസ്തുവില് നിന്നാകാമെന്നുമൊക്കെയാണ് പലരും വാദിക്കുന്നത്.
https://www.facebook.com/Malayalivartha